Habitos Del Liderazgo

TAKIQ P’ISQUWAN JUK’UCHAWAN

Juk pacha karqa juk takiq p’isqu , juk’uchawan juk’uchaqa achka mikhunata tantakusqa aymuraypi paray pachaqa. Takiq p’isquri manatantakusqachu ni imata qhilla kasqanrayku sapa p’unchay takirispalla kakuq chanta nisqa:-Imapaq tantasaqri ñuqallapaq kanqa mikhunaqa mana llakikunichu chaymanta kusirikuspa- nisqa.
Takiq p’isqutaq paray pachapi mana ima mikhunayuq rikhurisqa. Chanta risqa mikhunata mañarikuq , jukmanta jukmantataq nispa:
-‘’Quriwaychik chanta kutichipullasqaykichik’’,- nispa .
Juk’uchajpaman chayasqa p’isqutaq nisqa:
-Mikhunatamanuriway ,- nispa.
Juk’uchataq tapusqa:
-Aymuraypi kachkaspa imata chanta ruwarqankiri mikhunata tantakunayki karqa qantaq takispalla sapa p’unchay kakurqanki . Chayrayku manaima kapusunkichu takinkiña kunantaq tusunallaykiña kachkan- nispa.
Ajinata kutichisqa juk’uchasa mana imatapis qusqachu , wasi punkunta wisk’aykapurqa , takikuq p’isqutaqripusqa sinchi llakisqa mana ima mikhunayuq kasqanrayku.

UWIJA QARAYUQ ATUQ

Juk atuqmanta willanku imaynatachus munasqa uwijata mikhuyta sapa . P’unchay watiqaq kasqamichiqri allintapuni uwijasninta qhawaq kasqa . Chanta atuq tapurikusqa :
-imaynata juk uwijata suwaymanri anchatapuni llarkhaysawan mikhunaypuniy tiyan jukta- nispa .Atuqqa ni jukllatapis suwayta atisqachu , t’ula wasamanta , ichhu wasamantataq watiqaq kasqa , nitaq imaynamanta jap’iyta atisqachu .
Chanta atuqqa yuyasqa:
-Mayqin wasimantapisurkhumusaq uwija qarata . Chanta churakuspa uwija kuralman yaykusaq uwijaman rijch’akuspa-
Jinataq juk tuta yaykusqa atuqqa uwija kuralman uwijaman rijch’akuspa ....