Mauthausengo Kontzentrazio Esparrua

Mauthausen-Gusen kontzentrazio-esparrua


Mauthausen-Gusenetako kontzentrazio-esparruko sarrera
Mauthausen-Gusen kontzentrazio-esparrua (1940ko uda arte Mauthausen kontzentrazio-esparrua izanzen) Austriako Mauthausen eta Gusen herrien inguruan (Linz hiritik 20 bat kilometrora) eraikitako kontzentrazio-esparru nazien multzo handia izan zen.
Hasiera batean Mauthausenen esparru bakarra egonarren, denbora aurrera joan ahala handituz joan zen, Alemania naziak kontrolatutako Europako kontzentrazio-esparruen konplexu handienetako bat bihurtu zen arte. Mauthausenen eta alboko Gusenen lauazpiesparru nagusi zeuden, baina horiez gain, Austria osoan eta Alemaniako hegoaldean zehar hedatzen ziren 50 azpiesparru baino gehiagok osatzen zuten konplexu guztia. Horietako batzuetan munizio-fabrikak,armamentu-fabrikak eta Me262 hegazkina mihiztatzeko instalazioak zeuden. Presoak bertan lan egitera behartzen zituzten.
1945eko urtarrilean, azpiesparru guztietan banaturik, baina beti ereMauthausengo bulego nagusitik zuzendutako 85.000 preso inguru zeuden. Ez dago biktimen kopuru zehatza jakiterik baina iturri gehienek zenbatetsi dutenaren arabera 122.766 eta 320.000 lagun inguru izan zirenkonplexu guztian. Kontzentrazio-esparru multzo hau Alemania nazian sortutako lehenengo esparru masiboetako bat izan zen, baita mendebaldeko indar aliatuek edota Sobietar Batasunak askatu zuten azkenaere. Bi azpiesparru nagusiak, Mauthausen eta Gusen I, Europa osoan III. Graduko esparru bezala sailkatutako bakarrak izan ziren. Horrek zera esan nahi du: Reicharen Aurkari Politiko Zentzakaitzentzatbereziki gordetako esparru latzenak zirela. Beste kontzentrazio-esparru askok era guztietako presoak jasotzen zituzten, baina Mauthausengo esparruen zeregin nagusia zehatza zen: Alemania naziak BigarrenMundu Gerran zehar menderatu zituen herrialdeetako intelligentsia, pertsona ikasiak eta goi gizarte-klaseko jendea sarraskitzea.



Sarraskitze-metodoak
Sarraskitze metodo hauek erabili...