Casamiento en chamula

LEKOMAJEL-NUPUNEL

TA SLUMAL CHAMO´

Tey ta slumal Chamo´ ti lekomajele jelel cha k´uchal ta yantik lumetik. Ta slumal Cha´moe oy smelol ti k´uxi ta vu´ ti nupunele.

Bayele, ti vinike ta snopbayel mi xu´ xa yu´un ti malk´intasvanej chiuk mi xu´xa yu´un ti tsatsal abtele. Jech mi la snop lek ti vinike bayel stuke, mi laje ta xalbe stot chiuk sme´, ta xalbe ti ta sk´an xa yajnile xchiukchalbe noxtok ti xa´ixa ti xu´ xa yu´un ti malk´intasvaneje. Ti totile ta xlik yalbe mantal ti skereme sventa mu x- ak´e ta k´e xlal ta tsak´al. Ti kereme ta xjak´bat yu´un ti stote mi oy xa bu sk´elojti ants ta xik´e, mi muyuke ti mole ta xalbe ti skereme ak´o xanavuk ak´o skel jech osil xchiuk jech vist sventa yo´sta ti antse. Jech ti kereme ta xlok ta xanvil ta ilchinanebaletik yu´un ja ti teysk´otem ti tsebetike, o mi mo´oje tas mala jujun k´in ta k´alal ta xk´ot ta pasel ta chamo´e.

Jech ti kereme mi la sta ta ojtikinel ti tsebe ta st´un buy nakal sventa ta ts´akale te ta xbat tiyajak´ole xchiuk ti stote. Jech ti kereme xchiuk ti stote, mi musna´ jak´ol ti mole, ta sa´ jak´l stot ti kereme. Jech ti jak´ole ja´sabil ti buy pasaro j- abteletike yu´un ja´sanojik k´uxi ta k´oponel tistot sme´ti tsebe. Ti kereme ta sman jchuk sesina, jun litro xpox, xchiuk vakim o vaxakim sresku´, ta xak´be ti yajak´ole. Jech ti jak´ole muyuk ta stsak ta ora ti k´usi ta x- ak´bate ja´to mi ep tavelta ta sk´an vokol ti kerem xchiuk ti stote, tey ta k´unk´un ta svos yonton ti jak´ole.

Jech´ ti mol jak´ole ta xchin ta loil ti kereme, ta sjakbe mi la snob lek ti ta sa´ ti yajnile, yu´un ti moljak´ole mu sk´an ti x- ak´e ta kexlal yu´un ti kerem k´alal mi la sta k´op ta ts´alkal xchiuk ti stot sme´ ti tsebe. Jech mi laj lo´ilajike ta snopik k´usi ora ta slikesik ti jak´ole. Ti jak´oleja´nox xu´ ta slikesik ta jun k´ak´al martex, jvevex o mi mo´oje savaro. Ti jak´ole ta xk´ot ta jak´vanej oxib velta ta xemuna. Ti vo´nee oy sjak´ sbaik ta vo´lajunbe o mi mo´oje jtom´ ta velta....