coño ya

REFRANES.
El ojo kome mas ke la tripa.
El arto no kree al ambierto (hambriento).
A pan duro diente agudo.
Boka dulse avre puertas de fierro.
Ken se alava kon su boka merese apiedregado.El mundo es un biskocho, ken se lo kome krudo ken se lo kome kocho (cocido).
Mas vale ser ke pareser.
Onde ay migas ay amigas.
Amigo de todos i de ninguno, todo es uno.
No hay mijor espejo keun amigo viejo.
Al dezdichado no le korre el cavayo.
Este pan es para este kezo.
Pan de ayer, karne de oy, vino de un anyo.
Pan i kezo i un buen bezo.

DICHOS.
Arvole sin solombra (personade la kua la no se ve ningun provecho).
Guevos de rana (kozas sin valor).

POEMAS
Gazel
(Allusinasiones)
Buscando la palabra olvidada / Adientro del laberinto del meoyo (cabeza, mente) /Las kolores se trokan kada punto / Mesklandosen kon gotas del arroyo / Las puertas del abizmo se serraron / Solombras ‘skuresidas sin apoyo. / Induna se arekojen mis pensamientos / Kom un maso de rozasen rekolio / Avner, sin ke te consientas, otra vez / Salites, ya afuera del embrolio. Avner Pérez

La noche no durmo
La noche no durmo / El dia no komo / El sielo preto / Los ojos sangre. / Noay ken venga / No hay ken bushke / A ken importa / Si bivo o muero. / El mundo negro / La djente kruela / La indiferensia / En todo reyna. / Ande ke me fuyga? / Ande ke me esconda? / Ni en alto ni enbasho / Repozo no tengo. Marko Bahat

La kantiga del amor
Demandash me porke kanto / Las noches i dias tanto. / Mi kantar es komo flama / O komo boz ke al huego (fuego) yama. / Batidero de korason/ Pregrito kon alto son. / Kantando por una amor / No konsiento mi gran dolor. / Komo el sol i la luna / Rozika kresia una / Ermoza era su kolor / Por esto li echi amor. / Kon amor la kayentava / Konkantar la despartava / De los ayres la bilkeyava / De los griyos la tapava. / Mi korason nunka arto / Dia, noche yo desparto / Bilkeyando a mi rozika / Dia tarde manyanika. / Una noche me dormi, /...