Como Crear Una Galeria Audiovisual

HUMANITATE ETA
HEZKUNTZA ZIENTZIEN
FAKULTATEA

ENPRESA PROIEKTUA: IKUS-ENTZUNEZKO GALERIA

Ekintzailetasuna ikasgaia

Oihane Beñaran Muñoz
Janire Beriain Antolin
Laura Peña Kanibe

2012-05-02

AURKIBIDEA

1. Aurkezpena 2
2. Negozioaren deskribapena 3-4
3. Merkatuaren ikerketa:
3.1. Sektorearen datu orokorrak 5-7
3.2. Jardueraren eremugeografikoa 8
3.3. Eskariaren analisia 8-10
3.4. Eskaintzaren analisia 10-13
3.5. Merkatuarekiko ondorioak 13-14
4. Marketing plana:
4.1. Eskaintzen dituen zerbitzu edota produktuak 15
4.2. Prezioen politika 16-17
5. Proiektu tekniko-produktiboa:
5.1. Plantaren kokapen proiektua 18
5.2. Alde produktiboa 19
6. Antolakuntza eta gizabaliabideak:
6.1. Langileen antolakuntza 20
6.2. Soldaten kudeaketa 21-22
6.3. Azpikontratazioak 22
6.4. Langileriaren eboluzioa 22
7. Forma juridikoa 23
8. Ekonomia finantziarioa:
8.1. Esplotazio kontuaren aurreikuspena 24-25
8.2. Diru beharrak 25
9. Ondorioak 26

1. AURKEZPENA

Txosten honek ikus-entzunezko galeriabat sortzeko jarraitu beharreko pausoak batzen ditu. Horretarako, lehendabizi negozioaren deskribapena egingo da, aurkeztuz zer nolako zerbitzuak eskainiko diren bertan. Ondoren, merkatuaren analisia garatuko da, ikus-entzunezkoen alorrean dagoen eskari eta eskaintzan oinarrituz. Hurrengo atalean, zerbitzuen truke jasoko den ordainak agertuko dira, baita galeria zein sailetan banatuko den ere.Jarraian, azpiegituren berri emango da, kontuan hartuz lokalaren tamaina eta bertarako beharko diren materialak.
Antolakuntza eta giza baliabideak atalean zenbat langile egongo diren azalduko da, zein den bakoitzaren funtzioa eta nortzuk izango diren bazkideak. Gero, negozioaren forma juridikoaren azalpena agertuko da, bazkideek zenbaterainoko konpromisoa izango duten zehaztuz. Ikerketako azkenatalean, urteroko irabazi eta galeren balantzea egingo da, jakiteko ea bideragarria den negozioa ala ez.
Azkenik, eginiko azterketaren ondorioen berri emango da; hots, enpresak zergatik funtzionatuko duen edo ez duen funtzionatuko hausnartuko da bertan.

2. NEGOZIOAREN DESKRIBAPENA

Sortu nahi den negozioa ikus-entzunezko produktuen galeria bat da. Hau da, bideogintza, antzerkia,argazkigintza eta musikagintzan hasi berriak direnei haien burua ezagutarazteko aukera ematen dien gune bat sortu nahi da.
Zerbitzu hau eskaintzearen arrazoi nagusia honakoa da: Krisia dela eta, urte txarrak dira lana topatzeko, beraz, aukera ona izango litzateke halako galeria bat sortzea benetan lan egin nahi duten guzti horiek ekintzailetasunera bultzatzeko eta ikus-entzunezkoen lan mundura gerturatzeko.Helburua ez da bakarrik produktu bat saltzea, zerbitzu bat eskaintzea baizik.
Azpiegiturari dagokionez, gela hauetan banatuko da galeria:
* Erakusketa gela: Bertan aurkeztuko dira argazkiak eta paperezko euskarrian eginiko bestelako artea.
* Zine eta antzerki aretoa: Pelikulak, laburmetraiak eta antzerki lanak erakusteko aukera emango du guneak.
* Musika aretoa: Edonolakokontzertuak eskaintzeko balioko du: musika klasikoa, egile musika, musika modernoa…
* Hitzaldi aretoa: Solasaldiak egin ez ezik, zinema areto bilakatzeko gaitasuna izango du. Han egingo dira ere noizbehinkako formakuntza tailerrak.
* Denda: Sortzaileen produktuek osatuko dute gehien bat salmenta eskaintza.
* Taberna: Galeriarekiko independentea izango da nolabait; haren ordutegia zabalagoaizango da, eta ez da sarrerarik ordaindu beharko bertara sartzeko. Liburuak egongo dira eskuragarri edonork har ditzan, bertan irakurtzeko zerbait hartzen duen bitartean.
Gelen arabera daude antolatuta langileak, beraz, areto bakoitzeko arduradun aditu bat egongo da: bat zinema aretorako, bat erakusketa txokorako eta azken bat musika gelarako. Hitzaldi eta tailerretarako, alorraren arabera batak...