descripcion basica

Se tlamachtike kuakualtsin

Ipan in kuakualtsi kakaltsi chantiya se tlakatl, isiuau
man ikoneuan, xitla kipiyayaj, san iyoltsin noye ueyi.
Itata itokakatka Xicotencatl yejua kimasiya yolkamejman kinemakaya inakau iuan nonacayo man ika itomin
kitlakualtiyaya ikoneuan man Mayauel isiua Xicotancatl,
nochipa tekipanouaya pan ichan man kimachiuaya
ikoneuan: Tonatiu, Netsaualkoyotl,Quetsalkouatl,
Uitsilopochtli iuan Auitsol, ixkinmixpolouaya ikoneuan,
man nokpiyayaj se chiche itoka “Oselotl” nochipa
teuetskitiyaya tinochimej tlamachkichiuaya, nichipa kuak totatajuannoseuiyayan pan itekiyo man siuajmej kichiuaya
tlen kikuaskej, kokonej nauiltiyayaj iuan itskuin tlen itoka
“Oselotl” in chichitsin kitlasojtlaya nochimej.
Se tonajle sanoyetonaya man kualtsin tikakistlen
tlakuika totomej iuan kampa no oliniya papalomej, man
ken nochipa “Oselotl” nochipa yaya iuan Xicotencatl iuan
ikoneu xokoyotsin Auitsol yaya ipan tepetl iuan ichichitsin
“Oselotl”kimijtiyaya iuan kuajle kimasiya yolkamej, in
tonajle xijkon okichiu pampa kuak ikitak se tochtli noye
okuelitak pampa kuajkualtsin tsonpitsauak, xikinekiya
kimiktiskiya, kuakon Xikotenkatl kijliyaya makimikti,
“Oselotl” xokinek kuakon on konetl Auitsol okitak ka yetla
panouaya pan itskuin tlen kitlasostlaya man okinapalo,
man yejua kinekiya kimatis tlenon panouaya, kuakon
“Oselotl” opeutlauajuajna iuan opeu notlaloua kinekiya
ma kitoka on konetl, opanoke ipan atoyatl man itsintlan
kojtin yeualmej o asikej itech se kojtli noye yoxejxeliu
onpa okinextitoj miyakej konetochmej ompachantiyaya,
kuakon on konetl Auitsol opeu tsajtsi:
– ¡Notata! ¡notata! ¡xikitaki ken miyakej tochtsimej nemi
ipan in kojtle!
Itajtsin okitak ka melauak onkatkaj majtlakt le
yolkatsitsintin sekiistakej, seki nextik man seki kostikej
kampa noliniyaya kuak tlauajuajnoua “Oselotl”, ipan
se tepitsin oyejkok tochtli man okalak ijtik kojtli man
okintlakualte ikoneuan.
Xicotencatl iuan...