El Saber De Las Plantas

El saber de las plantas
KUOMAPANXOCHIMEJ
¿Akonimej tejuan?
Tisemej tanechikolmej chankamej xiujmej tikayomej tech in semanauak taltikpak.
Tinochimej timoskaltia nimakpan kuojmej uan tisekimejtimomatij tech in tetapakmej teixko ojso talixko.
Uelis titechixajsis amo tikpia kuouit san ok maxiujmej saliujtokej kemej maxochit tein uitsxochit uan tikseliaj kemej ijuit kuatatsakuil ojsomexkaltsitsin.
In matojmipisil ten tikpia tech tomaxiujuan kichiuaj maj ixtaktiakan kemej nimaxiujuan in majtsakti xokot.
¡Kemaj, acha tikuajkaya nijín uelik tayolchikaujkej xokot!
In majtsakti xokot yejuajse tochankauj, yolij uan moskaltia talixko.
Toxochiuan xoxolkopini miak uan mopanpijpilouaj kemej miauat, onkakej tataman tapalmej yauimej, chichiltikej, axokoxtikej, istakej, xoxotikej uan kostikej,kualtsin titayolpaktia nej kuojtajmej.
¿Tikanachimej?
2.400 tinochimej tiknimej tech in ueyi taltikpak.
Nikan Mexko 356 tiknimej.
Ti 6 iknimej ten sayoj nikan tinemi Mexko.
"Se kikua inmajtsakti xokot uan oksé kikokoua nipox".
¿Kan tiyoltokej?
Kuali ueli tiyoltokej kampa ueyi kuojta takauanij ompa ninpan chikaujkakuojmej ka tetex euayojmej.
Tisekimej tietokej kampa takauanij oksekinkampa tauakij, uan no ijkón kampa taseseyaj.
Tiueyimiakej kuojmapanxochimej tiyoltokej tech in taltikpakmej Oaxaca uan Chiapas.
¿Kenin tiyoltokej?
Katiejuan tieskej, tomajsiknemilis mosentilia ka omexiuit ijkón uan sempoal uan majtakti xiuit, kuak ixua in xinach uan kemaj timikij. Sansepa tikajkauaj toxinachteyo ojso kikisaj tokoneuan.
Sachisaj tikiskaltiaj se xochit ka miak niteyouan. ¡Katajtsonmej! Kinmomoyaua in ejekat uan in okuilimej.
Sekinsa ixua, kemej amo uel nochin mopiloa ninmaixko in kuojmej ojso amo kajsi takuechauilat, totonik, uan tanex ten kineki.
"Amo se kinmalakachoj inmalakat, ke moilpiaj in mekaichmej".
¿Kenin tiktemakaj tapaleuil?
In kiouat ojso ajuach ten tinechikoua tech in mapatauian xiujmej kikuij talkonemej, kalamej, totomej, okuilkonemej uan no ojsekin...