Evolución De Los Sistemas De Escritura

Evolución dos sistemas de escritura: unha introdución. Suárez Yáñez, A. (1998).
A escritura é un sistema de representación gráfica dunha lingua por medio de signos trazados ou gravados sobre unsoporte. As primeiras técnicas de escritura remóntanse ao 4.000 a.C. e déronse en varios lugares do mundo de forma independente. A transacción de distintas mercadorías facía necesaria a presenza de algoque representara o obxecto co que se estaba comerciando, por iso se acompañaban de pequenas formas de arxila que simbolizaban os nomes e designaban o contido. A aparición da escritura foi consideradacomo unha das invencións máis importantes para o xénero humano (Ong, 1982).
A continuación, centrarémonos no xurdimento e evolución dos sistemas de escritura, xa que a historia axuda a comprendermellor as cousas, e, deste xeito, pode axudarnos nun futuro a aumentar a nosa sensibilidade en relación coas vivencias, experiencias e descubrimentos que terán que realizar os noso alumnos no transcursodo seu acceso á linguaxe escrita. En primeiro lugar, presentaremos unha panorámica da evolución dos sistemas de escritura, segundo a teoría convencional.
Escrituras pictográficas e ideográficas
Dendeos tempos máis remotos, o home quixo comunicarse e deixar constancia da súa presenza a través de debuxos, de pictogramas. As mensaxes expresadas a través destes pictogramas son complexas, e nongardan ningunha relación fixa coa expresión verbal. Para poder interpretalos correctamente, necesítase ter un bo coñecemento da situación e da cultura en que se atopan.
Os pictogramas que representanideas relativamente específicas son de maior interese para as orixes da escritura, estes constitúen a base das grandes escrituras da antigüidade (sumeria, exipcia,…). Empezan sendo debuxos que representanfielmente obxectos da natureza, os cales posúen nomes na linguaxe verbal; esta progresiva perda da iconocidade e da arbitrariedade dos debuxos, facilitou que a cada pictograma se lle foran...