fazañas

Esto es por fasannya: que Urraca, fija de dona Mari Peres la pelegera, baraiava con «la Condesa», muger que fue del fijo de Johan de Sorie el ferrero. Et Urraca vino se querellar a su padre e a sutio García Pérez el cavallero; e mandó García Pérez et Roy Ferrandez e Ferrando, fijo de Gonzalo Andrés, que fuessen a casa de Johan de Soria e que firiessen a «la Condesa». Et fue¬ron e dieron salto lofijos de Johan de Soria e mataron a Ferrando, fijo de Gonzalo Andrés: et desde lo ovyeron muerto, metieron se todos tres en Sant Miguel de la Vinna. Et vino Garcí Peres e Johan abad e Ferrant Garcjae Goncalo Andrés e sus parientes, et cercaron la yglesia. Et mandaron a Diago Fe¬rrandez e a Diago Giralte e a fijos de Johan abat e a Furtun Sánchez e a otros omnes que entrassen en la yglesia e quelos sacassen fuera; e quebrantaron la yglesia e sacaron los fuera e mataron los todos tres. Et pecharon a don Lope, que tenya la tierra por el rey, trescientos sueldos; et pecharon al obis¬po mas decjent sueldos; e ovyeron de yr a Roma todos, pies descalzos, quantos entraron en la yglesia e quantos fizieron en ellos, et los otros que levaron y armas; e ayunaron muchas quaresmas, maguer que nonfirieron en ellos; que de la iuntad avyan de ferir en ellos sy pudieran. Et a Gonzalo Andrés quita¬ron de la v[eni]da de Roma por ruego de la reyna dona Berenguela.
Esto es por fasannya: que en casa deGil Buhon e de dona Florencia su muger alvergaron unos romeros de noche en su casa. Et otro dia mannana ante que saliessen de casa calcaron se los romeros e querellaron se que les avyan sus dinerosfurtados. Et prisieron a don Gil e a su muger e menacaron los de a don Gil enforcar e a su muger de la quemar. Et por el miedo de las penas que les amenacavan, dixo la muger de don Gil que ella avyalos dine¬ros de los romeros e que los darían, e non les fasiendo ningunnas penas quando lo dixo nin dante quelo dixiessel. Et después dixo que non las avya fortado ella, mas quela consejaran otras...