filosofia moderna

4. FILOSOFÍA MODERNA(I) Empirismo e racionalismo
DESCARTES, LOCKE E HUME
Curriculo
Calificación sobre 10
I. Cuestión contextual
Marco histórico e conceptual
1. Renacemento e Reforma.
2. A vinculación do empirismo e o racionalismo ca revolución científica.

 
Ponderación:
2,5
II. Comprensión
O problema do método: a idea de substancia en Descartes e o problema da veracidade divina.Fenomenalismo e causalidade en Hume.
A idea de “estado de natureza” como fundamento ideolóxico do novo estado burgués: a teoría do contrato social en Locke.
Ponderación:
6
III. Cuestión transversal
Relacións (de semellanza ou diferenza) con outros autores, correntes filosóficas ou épocas da Historia da Filosofía.
Ponderación:
1,5Marco histórico e conceptual

O Renacemento (s. XV-XVI) é o período de transición entre a Idade Media e a Idade Moderna. Trátase dun movemento heteroxéneo con moitas e moi variadas correntes. É unha época optimista que proclama a autonomía da razón e a confianza no progreso e no saber humano. Entre os feitos máis significativos pódense subliñar o descubrimento de América, a invención da imprentaou a ruptura da unidade relixiosa coa Reforma protestante....
No Renacemento o ser humano sitúase no centro da reflexión filosófica, a reflexión política pasa a primeiro plano e iníciase unha nova forma de estudar a natureza:
O Humanismo* é considerada por moitos a corrente máis emblemática do período. Destacan Erasmo De Rotterdam, Nicolás De Cusa, Pico della Mirandolla, Luis Vives,... entremoitos outros. Caracterizouse. en xeral, pola recuperación e o retorno a literatura e o pensamento grecolatino e a valoración positiva do ser humano e todo canto con el se relaciona.
En canto a reflexión política vai seguir dúas grandes liñas: o realismo político, representado por Maquiavelo; e o pensamento utópico representado por Tomas Moro, Francis Bacon ou Campanella
Tamén comeza adesenvolverse unha nova maneira de explicar a natureza (G. Bruno, Bacon,....) cada vez máis alonxada do aristotelismo medieval, que dará paso a revolución científica e a ciencia moderna ou “nova ciencia”
En síntese, pódense destacar como características xerais do Ren. as seguintes:
1. retorno á Antigüidade clásica
2. antropocentrismo e valoración do individuo e a súa singularidade
3. confianza noser humano e na súa razón natural.
Entre todo o acontecido nestes dous séculos podemos considerar claves 2 acontecementos :
a reforma protestante que influirá no proceso de secularización da Idade Moderna, e
a revolución científica, que suporá cambios fundamentais na concepción do mundo e na metodoloxía científica.
1.Renacemento e Reforma
O Renacemento é unha época de grandes conflitosrelixiosos.
A corrupción da Igrexa e dos clérigos e o desprestixio do Papado produce un clima de descontento xeral e, finalmente, unha profunda crise relixiosa que desemboca na reforma de Lutero.
Lutero –inspirado por humanistas como Erasmo de Rotterdam- critica a venda de indulxencias e a corrupción da Igrexa. Ao ser excomulgado crea a Igrexa protestante.
A Reforma defende:
-a volta aoauténtico espíritu evanxélico
-a lectura directa, individual das Escrituras.
Con isto invalida o poder da Igrexa e promove unha relixiosidade persoal e íntima (en sintonía co espíritu renacentista e moderno)


*[Fronte á fª escolástica enfrascada en abstractas discusións sobre a relación razón-fe, ou sobre o valor dos universais os humanistas defendían a necesidade dos “estudos humanos”,-poesía,gramática, historia e filosofía- (os “humanae litterae” fronte ós “divinae litterae”) e sostiñan que había que recorrer ós clásicos, prescindindo da interpretación e tradución medievais.]

A Reforma é seguida pola Contrarreforma
En consecuencia, os primeiros anos da Idade Moderna estarán marcados por numerosas guerras de relixión.
Pouco a pouco gaña terreo:
-a defensa da tolerancia
-o...