Filosofia

Matikixkopinakan ijyouilis Jehová iuan Jesús
“Xkasikamatikan ika on ijyouilistli tlen toteko techpialia, techpialia pampa kineki[…] matikselikan itemakixtilis.” (2 PED. 3:​15)
¿KENON TIKNANKILISKIA?
* ¿Kenon techititia Jehová ika techijyouia?
* ¿Tleka ononek ika Jesús makiteititi ijyouilistli miyek xiujtin?
* ¿Tlenon uelis tikchiuaskej uan ijkon tikiskaltiskej ijyouilistli?1. ¿Tlenon notlajtoltiaj miyekej itekipanojkauan toTajtsin akin melajkej?
SE TOKNIUJ siuatl akin yolmelajkanemi itech Jehová miyek xiujtin, maski yokixnamik miyek tlajyouilistli ika yolyemanilisti otetlajtoltin: “¿Ok niyoltos ijkuak tlapopoliuis?”. Miyekej tokniuan akin yolmelaujkanenkej ipan innemilis notlajtoltiaj yejuin. Pampa nochimej tiknekij ika mayejko tonajli ijkuak Jehová “makiyenkuili nochitlajtlamach” niman makipopolo nochi tlen xkuajli tikixnamikij (Rev. 21: 5). Nochi teititia ika ijkuak iyejkotika ika tlemach xkuajli tlen kiyekana Satanas ipopoliuis. Ijkon tej, melak ouijtika (esta dificil) tikpiyaskej ijyouilistli.

2. ¿Tlen tlajtoltilistin tiknankiliskej ipan yejuin tlamachtijli?
2 Biblia techititia ika noneki matitlamachiakan. Tla tiknekij tikitaskej nochi tlen Jehováyokijto, noneki tikpiyaskej kojtik totlaneltok, niman tikpiyaskej ijyouilisti, ijkon ken yeuejkaui opanok iuan itekipanojkauan toTajtsin (léase Hebreos 6:​11, 12). Matitlanemilikan ipan neskayotl tlen Jehová techmaka. Ne yeuejkaui yejua ueliskia kipopoloskia tlemach xkuajli tlen nochiua ipan tlajli, san ika, yejua kichiatok mayejko tonajli tlen kuajli yokitlapejpeni (Rom. 9:​20-24). ¿Tleka melakteijyouia? ¿Kenon Jesús okixkopin ikualneskayo toTajtsin, niman kenon techpaleuis matikchiuakan noijki? Tikmatiskej tlanankililmej techpaleuis matikiskaltikan totlaneltok niman ijyouilistli ijkuak tikmachiliskej ika Jehová melak uejkaui ika kichiuas tlen yokijto.
TLEKA TEIJYOUIA JEHOVÁ
3, 4. a) ¿Tleka Jehová kijyouitok itech tlen kinekiya kichiuas ika yejuin tlaltikpaktli? b) ¿Tlenon okichiujJehová ijkuak okixnamijkej ipan Edén?
3 Maski xonka okse ueyixtika ken Jehová, kipiya tleka techijyouia. Tlen opanok Edén okichiuj matotlatoltikan tlen melak noneki manomati, niman Jehová kimatiya ika nonekiskia mapano miyek xiujtin niman ijkon kuajli nonankilis. Pampa kuajli kimatstika tlen kinemiliaj niman tlen kimachiliaj iluikaktekitkej niman tlaltikpakchanejkej, nochi tlen kichiua yejuin tlenmelak techpaleuis (Heb. 4:13).
4 Jehová kinekiya ika ikoneuan Adán iuan Eva makitemiltikan tlaltikpaktli. Niman ijkuak Adán xotetlakamat sakin ijkuak Satanás yokikakayaujka Eva, toTajtsin xokipatlak tlen yokijtokaj. Xosiauj nion xokintlalkaui tlaltikpachanejkej, okijtejtemoj kenon manochiua tlen yokinemilijka ika tlaltikpakchanejkej uan yejuin tlajli (Is. 55:11). Pampa kineki manochiua tlenyokijto niman manoueyili iueyitlayekanalis, Jehová noteltia niman tlamachiatok ika ijyouilistli mapano miyek xiujtin niman ijkon seki tlajtlamach tlen yokijto manochiuakan ken más kinamiki.

5. ¿Tlen tlateochialistli tikseliskej ipampa ijyouilis tlen Jehová techpialia?
5 Okse tlemach tleka Jehová tlamachiatok ika ijyouilistli pampa ijkon miyekej tlaltikpakchanejkej makipiyakan nemilisti tlen xkemantlamis . Amantsin kichiujtika nochi tlen noneki niman ijkon kinmakixtis “sajnoye miyek” tlaltikpakchanejkej (Rev. 7:​9, 14; 14: 6). Ika tenojnotsalistli, Jehová kinnotsa nochimej mauelikan itech itlanauatiluan melajkej niman tlen iTekiuajyo kichiuas. Kema, tlajtoltin itech Tekiuajyotl tlajtoua itech “kuajli tlatoji”, tlen melak kuajli kiseliskej tlaltikpakchanejkej (Mat. 24:14). Nochimej akinJehová kiminyoltilana makinisiuikan nopouaj itech se ueyi familia itech nochi yejuin tlaltikpaktli, akin kitlasojtlaj melajkayotl (Juan 6:​44-47). toTajtsin akin tetlasojtla techpaleuiya matikselikan itlateochiulis. Yejua noijki kimintlapejpenijtika itech tlaltikpakchanejkej akin tlanauatiskej ika tlayekapan ne iluikak. Ijkuak kiseliskej itekiyo ne iluikak, kiminpaluiskej tlaltikpakchanejkej...