Irmán do vento

Irmán do vento

“Irmán do vento” é unha historia desgarradora, que amosa as consecuencias do transcurso da guerra, desde un punto de vista completamente diferente do que estamos acostumados.Normalmente vemos a guerra desde os medios de comunicación, desde o telexornal, desde un artigo de opinión, desde as consecuencias económicas que leva consigo… Este libro é diferente, amosa a guerra, nestecaso a de Iraq, que causou unha grande controversia no noso país, como unha historia na que Khaled é o protagonista. Este se ve transformado como persoa, pasando de ser un neno inocente a un homemaduro, todo por causa dunha guerra que destrúe todo o que atopa ao seu paso.

Neste libro, podemos apreciar de forma moi clara as moi duras circunstancias nas que se ten que desenvolver Khaled nomedio da guerra, nas que se poñen de relevo moitos valores, como cando o fillo vai buscar ao seu pai cando desaparece, ensinando o seu compromiso e amor cara a el. Paréceme moi interesante facer fincapéna aleatoriedade pola que a Khaled e non a min lle tocou vivir a dor, o medo e a destrución da guerra. Acaso el escolleu esa situación? Non o creo. Por esta razón, tamén me gustou que “O irmán dovento” fose un libro que te fai reflexionar sobre a túa vida e sobre o modo no que a vives, porque Khaled, ao igual que moitos nenos aínda hoxe en Siria (por pór só un exemplo), que tiñan moitos soños iguaisaos meus, non os puideron cumprir por causa dos conflitos bélicos dos que nin sequera eran responsables. Deste xeito, a pesar de que Khaled é musulmán e vive en Oriente, vemos como as promesas nonteñen menor valor alí, como a que lle fixo o seu pai, e que se cumpriu despois da súa morte co regalo do cabalo, e que lle dá o nome ao libro. O formato do libro, no que Khaled lle manda cartas ao filloimaxinario do Dr. Meira, impregna de tenrura todo o relato, e fai que este sexa moi doado de ler, en parte tamén polo pouco complexo do léxico.

En conclusión, “Irmán do vento” é un libro que...