Licenciatura

NONEMILIS
Na notoka Carmela Luvían Rosas, nitlakati ipan chikome tonali, mestli agosto xiutl 1966, ipan se chinanco itoka Morenotlan, temoctla, chinanco tlatilanketl Chicontepec. No tata itokaGenaro Luvían Ángeles uan nonana María Rosas Magdalena. Nijpia makuili noikniua, eyi tlakame uan ome siuamej, uaya na tieli chikuase.
Kema ni eliyaya kokuetsi nimoskalti ika miak pakilistli nimauiltiyayauaya no nechkaua: timotlaloyaya, tiajkiyaya, pero amo tieliyaya miakej pampa onkayaya san eyi kalimej kani na nimoskalti.
Kema pejki nimomachti ipan kaltlamachtijketl ninemiyaya miak pampa no kaliistoya chinankotlatentli uan amo ninekiyaya nias pampa onkayaya miak sokitl kema uetsiyaya atl, uan no ikniua tlen achi uejueyi motlaloyaya uan na nimokauayaya noselti. Nojkia ax ninekiyaya niaspampa nochi nochampayoua nexnojnotsayaya ika nauatl uan na amo nikinkuamachiliyaya pampa notataua ax nechmajtijke nopa tlajtoli kema ni eliyaya kokuetsi. San niajki ome xiutl pan nopa kaltlamachtijketlpampa nexka no chinanco pejki se yankuik kaltlamachtijketl uan nopa niajki tercero hasta sexto grado. Pero nechpantik se ueyi kuesoli kema niistoya pan quinto y sexto grado pampa nonana mokokouayayamiak uan notata monojnotski uaya tlamachtijketl kej na nimomachtis san ome kaui un tlajko pampa monekiyaya mania pan nocha pampa na nichiuaskia tlaxkali uan tlakuali para no ikniua tlen mas kokuetsi.Pero amo nikilkaua kej nonana mokualaniyaya miak uaya na pampa na tlauel nikamatiyaya nopa basquetbol uan pan recreo nimokauayaya tlajko kaui uan yanopa ax kipaktiaya, uan kema na chiuayaya tlaskalinexmakiliyaya ika se kuarta tlen kauayo, tlauel mosisiniyaya nouaya uan kinekiyaya manichiua nochi tlamantli kuali. Uelis yanopa nechpaleui manichiua nochi tlamantli kuali ipan no tekitl nama, uannojkia ya nopa tlen nexpantik nexpaleui para nijnekis nimomachtis pampa tlauel ni tlaijiyou.
No tataua kipiaya se tienda uan yeka pejki ni kuamachili nopa nauatl, uan kentsi pejki nimonojnotsa ika...