Los problemas con la carpa en el lago de pátzcuaro

Los problemas con la carpa en el lago de Pátzcuaro
Carpa no sési úkuxati japontani

Kurucha “carpa” arhikata no ixu anapuesti, Asia ueratini jurhasti. No káni uexurhini úsïnti éka inchamanhaakajapontarhu, Jiajkani eratsinhaspti éska inte kurucha marhuapirinka pari k’uiripu jarhuatakuarhini, pari santeru uarhumani ka t’irekuarhu ísï marhuatani.
I kurucha úsïnti irekani itsïrhu no kánijauamitirhu ísï, ka itsï xamponharhirhu ka sanititu oxíkeno jinkoni. Iamintu ambé arhasïnti i kurucha ka jukari k’ésïnti.
Sani iónisti ia, énka Carpa úntaaka sési k’uiripeni ka uáni jataminhani japontarhujoperu mentku úntaxati k’amameni kurucha urapiti, cheua kurucha ka akumara kurucha ka materu jásï kurucha japontarhu anapueecha. Iásï carpa jintesti énka santeru uemijka ka no káni pienhani. Ísïjimpo noteru uarhumanhani jati, uarhuriicha noteru káni ánchekorhesinti, joperu ísïjtu carpa mentku uanepaxati.
Iásï Japonta uarhixati ka arhinhaskaksï éska ísï úkuarhinchaska ikichakuani jimpo kajimpoka xáni anhatapu ch’apanhajka. Joperu iásï mitetixakaksï éska carpa kánikua k’amanharhintsïkua jatsisti jimpoka no sési úkuxati japontani.
Japonta P’atskuarhu anapu ióntki anapuesti ia ka k’ériuantanhiakueechani jatsiasti.
Maru uantanhiakueecha jarhasti jimpoka noteru xáni janijka, ka materu jintesti énka k’uiripu uanenhani jaka ka santeru ampe uetarhinchansïntiksï japontarhu anapu ampe kajapontarhu uanamukuni ísï anapu ampe.
Éka janijka atsïmu iorhesïnti ka japontarhu uanamukuerani ísï nierasïnti, ka itsï ikichakuani jásï jinkoni kumisïnti énka ireteecha k’uanikujka ka imani jimpojeuekorhekata jarhuasïnti tsïkimini mamaru jásï uitsakua itsïarhu anapu ka ísï itsï xambonharhini ka noteru jauamini. Jimasï ísï énka ma jurhiani japontapka iásï noteru ambamesti.
Ixu xarharaxati namankajaponta Eronharhikuarho ka Xarhakuarho uanamukuni ísï, icheri xanharani jaka, xarharasïnti éska japonta sano 24 km2 (kotsekua) itsïiri tsitaska uimu ekuatsi uexurhini jimpo.
Materu uantanhiakua...