Louis Isadore Kahn

LOUIS ISADORE KAHN
(1901 - 1974)
BIOGRAFIA ETA FORMAZIOA
Louis Isadore Kahn (benetako izena Itze-Leib Schmuilowsky) Estoniako Kuressaare-n jaio zen (Saaremaa irlan), 1901eko otsailaren hogeian,familia judutar apal batean. Bi anai-arreba txiki zituen, eta bost urte zituela, 1906an, bere ama eta anai-arrebekin Estatu Batuetara erbesteratu zen.
Aita bi urte lehenago atzerriratu zen errusiar etajaponiarren arteko guda zela eta erreklutatua ez izateko, eta Filadelfian elkartu ziren berriro. Louis Kahn Filadelfian hazi zen eta amerikar nazionalitatea lortu zuen 1914ko maiatzaren 15ean, 13urte zituela.
Bigarren mailako ikasketak egiten ari zela irudigintza, pintura eta eskultura klaseetara joaten hasi zen (Beaux- Arts tradizio zorrotzean) ageriko arte talentua zeukaten ikasleak bakarrikhartzen zituen Filadelfiako Public Industrial Art School eskola mugatuan. Bertan J. Liberty Tadd zuzendariarekin adiskidetasuna egin zuen. Kahnek Filadelfiako Central High School esklusiboan onartuaizatea lortu bazuen ere, ez zion beranduago Samuel S. Fleisherren larunbat goizetako doako klaseetara joateari utzi. Kahnek bere hiriko irudigintzako hainbat sari irabazi zituen. Aldi berean,musikarako berezko talentua ere nabari zitzaion (bizilagun neskato batek hartzen zituen klaseak entzunez ikasi zuen pianoa jotzen). Musika ikasteko beka bat eman zioten, baina Tadd-en aholkuei jarraiki, ukoegin zion. Hala ere, bere musikarako talentuaz baliatu zen familiari laguntzeko, zine aretoetan organoa joz.
Central High School-eko bere azken urtean (1919-1920), Kahnek Arkitekturaren Historiaikastaroa egin zuen William F. Gray-rekin. Ikasgai berriak liluratu egin zuen : “arkitekturak hunkitu egin ninduen” esan zuen elkarrizketa batean, eta horrela ohartu zen bere benetako bokazioaz. Horrela,graduatutakoan, Arte Ederrak ikasi ordez Arkitektura ikasiko zuen Pennsylvaniako Unibertsitatean. Filadelfian ondo onartu zuen emigrante gaztea, eta berak beti gogoratuko zuen maitasunarekin. “Hiria”,...