Nahutl

¿TLEN TLAMACHILISTLI TIKTEITITIA TEJUA?
“Iteiknenilis toTeko Jesucristo manemi iuan tlamachilistli tlen inmejuamej inkiteititia” (FILEM. 25)
¿TIKMATI TLANANKILISTLI?
- ¿Tleka sanoyej kuajli tikpiyaske se clase de espíritu tlen tikteititi (tikijtoua)?
- ¿Tlen tlamach amo tikchiuaskej, niman kenijki tikchiuaskej?
- ¿Kenijki uelis tikteititiske se kuajli espíritu ipan totlanechikol?

I
paniamatlajkuiloluan, on nomachtijkel Pablo okijto miyekpa ika kileuiaya ika toTajtsin iuan Cristo makiselikan intlamachilis tlen kiteititiaya sesentemej tlanechikolmej. Sej nexkayotl, on Gálatas okinmijkuilouilej: “Iteiknenilis Toteko Jesucristo manemi iuan tlamachilistli tlen inmejuamej inkiteititia, nokniuan. Ijkon manochiua” (Gal. 6:18). ¿Itech katlejua “tlamachilistli” tlajtojtoya?
2 Itechyejuin, yejon “tlamachilistli” kijtosneki tlenon tikchiua, noso kenijki titlanemilia, on techchiualtia tikijtoskej noso tikchiuaskej tlajtlamach kejmej tejuamej tiknemilia. Se neskayotl, sej tlaltikpakchanej uelis yes tetlasojtlanej, yolkuajli iuan nochimej, tenekis, tetlayokolianej noso teijsikamatianej. On Biblia kueyikachiua akin kiteititia sej “tlamachilistli yemankej” iuan akin “xtotoka kualani”(1 Ped. 3:4; Prov. 17:27). Oksentlamantlej, nemi akin noyej teyolkokoua, akin kileuia miek tlajtlamach, on miek ueli kichiua, noso, kas kachi xkuajkuajltin, auilnemi, xtetlakamatej iuan teixnamiki.
3 Ijkon tej, ijkuak kanaj tlajtoltin kejme “Toteko manemi iuan tlamachilistli tlen tikteititia”, Pablo kinyolektikatka ikniuan makipiyakan itlamachilis ken toTajtsin kineki iuan kejmej tlaneltokakej(2 Tim. 4:22; manopoua Colosenses 3:9-12). Aman tonajli, kuajli tlaj titotlajtoltia: “Tlen tlamachilistli nikixpantia? ¿Uelis nikyektlalis niman ijkon nikyolpaktis toTajtsin? ¿Uelis kachej ninokojtilis niman ijkon kuajli maonya itlamachilis tlanechikojli?”. Ipan mijla tlakej xochimej, sejsente xochitl tlapaleuiya tlakualtsintilia. ¿Tejua ijkon ken in “xochimej” tikualtsintiliya tlanechikojli?Kema, tinochimej noneki titokojtiliskej ijkon tiyeskej. Ijkon tej, matikitakan kenijki tiktlakitiskej sej tlamachilistli tlen kipaktis toTajtsin.
1. ¿Tlen ileuilistli okijtou Pablo ipan iamatlajkuiloluan?
2, 3. a) Itech seki tlajtlamach, ¿tlen okijtosnekek pablo ijkuak okan tlajtojli tlamachilistli? b) ¿tlen tlajtoltilistin uelis titochiuiliskej?
MAKA XSELEJ ITLAMACHILIS IN TLALTIKPAKTLEJ
4Biblia kijtoua: “Tejuamej tikselia, xitlamachilis tlaltikpaktlej, yej tlamachilistli tlen ualeua itech toTajtsin” (1 Cor. 2:12). ¿Tlenon on “itlamachilis tlaltikpaktlej”? Nosan noijki on notenaua ipan Efesios 2:2, on tlajtoua itech akinomej “ipan sej kauitl onenkej no san noijki ken in tlaltikpaktlej, kejmej akin kinyekana ajakamej, on tlamachilistli, “kejmej ajakatl”, nochiuiyan onka. Notlajtolkuepaipan tlajtoltin tlen noixmatej aman kejme “nejua xakaj nechilis on tlen nikchiuas” noso “ xmanaue on tlen mitsnamiki” akin kiteititia yejuin tlanemilijli yejuamej “tekoneuan tlen xtetlakamatej” itech isemanauak Satanas.
5 Yejuin tlanemilijli xyenkuik. Ipan ikauitl Moisés, Coré okinmixnamik akin okiselijka kiyenaskej tlanechikojli itech Israel. Kache noyej kinmixnamik Aarón iuan ikoneuan akintekitia ken tiopixkej. Kas okitak tlen xkuajli kipiaya noso okinemili ika Moisés okinmakak tekimej san pampa ken kimitaya. On tlen kuajli nesi ika yejua opeu kitaj yejuin ken kitaj tlaltikpakchanej iuan opeu xkuajli tlajtoua itech tlakamej tlen Jehová yokintlapejpenijka. Xokipich ixayakak kuak okinmijli: “Yompa itech inmejuamej [ …] ¿kentlinika, tej, inmoueyimatej ipan itlanechikol Jehová?” (Num.16:3). No san noijki, Datán iuan Abiram okixpantilijkej yejuin Moisés: “Tikyejyekoua timochiuas tekiuak itech tejuamej”. Iuan kuak yejua okintlatitlanilej mauajlakan, okijtojkej ika tlauejli: “¡Xtitlejkoskej!” (Num. 16: 12-14). Kuajli nesi ika Jehová xokuelitak yejuin, pampa okinpopoloj on xtlakakayojkej (Num. 16:28-35).
6 Ipan achto siglo noijke nemiyaj akin kixkoijliayaj uan xkitlakamatiyaj...