Onde Viven Los Amigos

CURSU D’ESPERTU EN FILOLOXÍA ASTURIANA

Onde viven los amigos, ye un llibru que nos cuenta tres histories, o meyor dicho, fálanos de tres etapes ya vivencies de la vida del autor. Les dos primeres, tan rellacionaes cola so vida nel pueblu onde se crió ya la tercera, del aniciu de la so vida na ciudá, onde se reunía con más xente con unos oríxenes asemeyaos a los d’él.
A continuación pasarásea resumir mui brevemente los rellatos per separtáu.

ONDE VIVEN LOS AMIGOS:
Nesta historia, l’autor fálanos de la so niñez nel pueblu nel que creció.
La enfermedá, mui grave, d’ún de los amigos de la infancia, Utano, ya el fechu de visitalu, invítanlu a alcordase d’aquellos años, de cuando yeren neños ya diben xuntos pa la escuela. Vei faciendo memoria ya contándonos les aventures quevivía colos sos amigos, aventures qu’ alguna vez-yos costaron un sustu gordu, ya de les que siempres terminaba sacándolos, o solucionando d’ alguna manera, esti compañeru. Una d’ elles ye la de cuando, xugando colos aparatos nes víes muertes del ferrocarril, decidieron pasar a les que índa taben en funcionamientu, pensando que’l tren tovía nun llegaba, ya nel momentu menos esperáu sintieron cómos’acercaba. Cuéntanos too lo que sintió ya lo que vió nes espresiones de les cares de los sos amigos. Lo que se-yos pasó pela cabeza ya cómo casi nun sabían qué facer, pero Utano, supo reaccionar ya salvaran la vida casi de milagru.
Hai otres hestories de cuando neños, que nun lleven a consecuencies tan fatales ya que terminen, col pasu del tiempu, siendo eses hestories que los pas ya los güelos cuentana los neños, de cuando yeren mozos, nes comides cola familia, como por exemplu na que nos fala d’ una vez qu’ Utano tuviera que llevar, dempués de la escuela, a una vaca a pacer. Sabía él d’un sitiu mui prestosu ya invitó a los sos amigos a dir con él. Magar que taba’l práu n’un sitiu mui alloñáu ya d’accesu yera difícil, consiguieron que la vaca pasara, pero cuando terminó de pacer ya quisieronvolver, encontráronse con que la vaca nun quería pasar. Yera un camín mui estrechu, ya dába-y mieu. Dempués d’unos momentos de nervios, porque venía la nueche enriba, foi Utano el que pasáu un pedazu, acordó de llamar a un vecín que los ayudara ya que efeutivamente, dió-ys la solución pa sacar d’ellí al animal.
En toes estes ocasiones, yá la enfermedá d’Utano diera muestres de la so esistenciaya efeutivamente, foi años dempués cuando terminó faciendo que nun pudiera llevantase de la cama ya que morriera a causa d’ella, provocando nel autor, nel momentu d’enterase de la noticia, nin sentimiento de dolor nin de tristura. El sentimientu que describe, podría identificase col que ye propiu de les situaciones límite, onde nun hai nada más. Nun hai nin pensamientu ya casi nin consciencia.Namái yes a ver lo qu’ hai alredor ya produzse una sensación contradictoria, na que sabes ya ves xirar el mundu alredor, pero la parte onde pisen los tos pies, nun se mueve.

LA BRUXA:
Esti rellatu, que fala de misterios ya fechos sobrenaturales, personalmente pienso que ye mui bono pa mostrar les supersticiones qu’hai dentro de la tradición asturiana.
Cuenta cómo nel pueblu entamaron a veseacontecimientos estraños. Una serie de muertes ya de desapariciones d’animales ya persones que o nun volvieron a apaecer ya si apaecían nun yeren yá los mesmos. Aquél mal paecía nun respetar nada, nin siquiera la vida d’un bebé qu’enfermó gravemente. Intentábase nun mirar pa los praos nin los animales de los demás, ya tampoco pa la xente, pa evitar ser sospechosu de cualquier cosa que pudierapasar. Esplícase cómo se renegaba de toes eses persones que tenían dalgún defeutu físicu ya cómo l’acebache ya otres piedres o los oxetos que tuvieran cierta tradición familiar, considerábanse auténticos amuletos. Les persones con dalgún defeutu, principalmente na vista (los tuertos) yeren sospechosos d’ echar el mal de güeyu ya de difundir la desgracia en tol pueblu. Tamién la xente que venía...