Poemas de mio cid

LibrosGratis
http://www.librosgratis.org

Poema de Mío Cid
Anónimo

Poema de Mío Cid
1

Cantar I

1.

De los sos ojos tan fuertemientre lorando
tornava la cabeça & estávalos catando. Vio puertas abiertas & uços sin cannados, alcándaras vazías sin pielles & sin mantos e sin falcones & sin adtores mudados. Sospiró Mío Çid ca mucho avíe grandes cuidados. Ffabló Mío Çid bien & tanmesurado: «¡Grado a tí, Sennor, Padre que estás en alto! ¡Esto me an buelto míos enemigos malos!» Allí pienssan de aguijar, allí sueltan las rriendas. 2. A la exida de Bivar ovieron la corneja diestra e entrando a Burgos oviéronla siniestra. Meçió Mío Çid los ombros & engrameó la tiesta: «¡Albriçia, Álbar Ffánnez, ca echados somos de tierra!» 3. Mío Çid Ruy Díaz por Burgos entrava, en su conpanna LXpendones. Exíenlo ver mugieres & varones, burgeses & burgesas por las finiestras son, plorando de los ojos tanto avíen el dolor. De las sus bocas todos dizían una rrazón:

Poema de Mío Cid
2

«¡Dios, qué buen vassalo! ¡Si oviesse buen sennor!» 4. Conbidarle íen de grado mas ninguno non osava; el rrey don Alfonsso tanto avíe la grand sanna, antes de la noche en Burgos dél entró su carta congrand rrecabdo & fuertemientre sellada, que a Mío Çid Ruy Díaz que nadi no l’ diessen posada, e aquel que ge la diesse sopiesse vera palabra que perderíe los averes & más los ojos de la cara e aun demás los cuerpos & las almas. Grande duelo avíen las yentes christianas; ascóndense de Mío Çid ca no l’ osan dezir nada. El Campeador adelinnó a su posada; así commo legó a la puerta falóla bien çerradapor miedo del rrey Alfonsso que assí lo avíen parado que si non la quebrantas’ por fuerça que non ge la abriese nadi. Los de Mío Çid a altas vozes laman, los de dentro non les queríen tornar palabra. Aguijó Mío Çid, a la puerta se legava, sacó el pie del estribera, una ferida l’ dava. Non se abre la puerta ca bien era çerrada. Una ninna de nuef annos a ojo se parava: «¡Ya Campeador, en buen oraçinxiestes espada! El rrey lo ha vedado, anoch dél entró su carta con grant rrecabdo & fuertemientre sellada. Non vos osaríemos abrir nin coger por nada; si non, perderíemos los averes & las casas & demás los ojos de las caras. Çid, en el nuestro mal vos non ganades nada; mas ¡el Criador vos vala con todas sus vertudes sanctas!» Esto la ninna dixo & tornos’ pora su casa. Ya lo vee el Çid que del rreynon avíe graçia. Partios’ de la puerta, por Burgos aguijava, lego a Sancta María, luego descavalga, fincó los innojos, de coraçón rrogava. La oraçión fecha luego cavalgava; salió por la puerta & en Arlançón passava. Cabo essa villa en la glera posava,

Poema de Mío Cid
3

fincava la tienda & luego descavalgava. Mío Çid Ruy Díaz el que en buen ora çinxó espada posó en la glera quando no l’coge nadi en casa, derredor dél una buena conpanna. Assí posó Mío Çid commo si fuesse en montanna. Vedada l’an compra dentro en Burgos la casa de todas cosas quantas son de vianda; non le osaríen vender al menos dinarada. 5. Martín Antolínez el burgalés complido a Mío Çid & a los suyos abástales de pan & de vino; non lo conpra, ca él se lo avíe consigo; de todo conducho bien los ovo bastidos.Pagos’ Mío Çid el Campeador & todos los otros que van a so çervicio. Fabló Martín Antolínez, odredes la que a dicho: «¡Ya Canpeador en buen ora fuestes naçido! Esta noch yagamos vayamosnos al matino, ca acusado seré de lo que vos he servido; en ira del rrey Alffonsso yo seré metido. Si convusco escapo sano o bivo aun çerca o tarde el rrey quererme ha por amigo; si non, quanto dexo ¡no lo preçio un figo!»6. Fabló Mío Çid el que en buen ora çinxó espada: «¡Martín Antolínez sodes ardida lança! Si yo bivo doblarvos he la soldada. Espeso & el oro & toda la plata; bien lo vedes que yo no trayo nada, e huebos me seríe pora toda mi companna. Ferlo he amidos, de grado non avríe nada. Con vuestro consego bastir quiero dos archas; incámoslas d’arena ca bien serán pesadas, cubiertas de guadalmeçí &...