Postres Del Paraguay

Ka'i Ladrillo
Kundaharãme jeho kundaharã, Jeheka
Ka'i Ladrillo ha’e peteĩ tembi’u paraguái he’ẽva ojejapóva manduvi ha eíra hũ takuare'ẽ rykuégui.
Maymave tembi’u Paraguáicha, “ka’i ladrillo”,oguereko heta proteína ha avei ome’ẽ mbarete he’iháicha umi tapicha oñemoarandúva ñane retã rembiasakuére.
Moõguipa oú héra
Ko “ka’i ladrillo” réra ou mokõi ñe’ẽgui, peteĩ guaraní ha ambue castellano.Ko’ã ñe’ẽ guarani “ka’i” ha castellano “ladrillo” oñembojehe’ávo ojuehe oñemombe’u ñandéve mba’éguipa ha avei mba’épa he’ise.
Upéicha “ka’i ladrillo” ka’i rembiu, ojejapígui ipukumi ha oñembope upemba’e ladrilloicha, umi ka’i Paraguái ka’aguýre hetaitéva (upe ka’i mirikina, michĩmínteva), ha ho’usetéva opavave mymbakuéragui mba’e he’ẽ ha ko tembi’u he’ẽ porãve opa mba’égui.
Oje’e avei chupe“asukape manduvi”, oúva ñe’ẽ español “azúcar” (asuka), guarani “pe” ha “manduvi” (España ñe’ẽme maní ha avei cacahuete).
Mba’e mba’épa oguereko
“Ka’i ladrillo” ojejapovévape ojeipuru manduvi maimbe haeíra hũ.
Oĩ omoĩva avei pype michĩmi pomelo ha avei naranja hái rykue, ani haguã he’ẽterei ha avei ha katu he’ẽhái haguã.
Mba’éicha ojejapo
Ñambopuku eíra hũ jaipyvúvo ojekuaa peve pe olla rugua.Upémaramo jaity pype pe manduvi ku’i (ikatu avei iku’i’ỹre) ha ñambojy miẽ ndahetavéima.
Uperiré ñañuhĩ keséra hykue porãvape ani oja ha jaheja ho’ysã. Ho’ysã porã vore ikatúma jaipe’e umi ka’i ladrillo.* He’iháicha umi tapicha oñemoarandúva Paraguái rembiasakuérehe, tembi’u paraguaikuéra ha’e tembiapo ojejapóva ogaháre kuéra opararire upe ñorairõ guasu Triple Alianza (Argentina, Brasil haUruguay ndi Parguái ogueraha va’ekue, upe ary 1864 guive 1870 peve). Ko’ã tembi’ukuéra imbarete porã, upéicha ojejapo ikatu haguãicha ohupyty are, umi ñorairõ guasu oparire árarupi imbovy haguére tembi’uojehupyty.
Ta’anga

Dulce de mamón
Dulce de mamón ha’e peteĩ tembi’u he’ẽ paraguáigua ha avei kuarahy resẽ gotyo argentina, ojapova’ẽra mamóngui.
Ha’e pehẽngue mamón ñongatupy, rykue he’ẽ,...