Robespierre

MAXIMILIEN ROBESPIERRE

Maximilien François Marie Isidore de Robespierre (Arras, Pas-de-Calais, 1758ko maiatzaren 6 - Paris, 1794ko uztailaren 28) politikari frantziarra izan zen, Montagnardtaldearen burua eta Frantziako Iraultzaren lider nagusietakoa. Erostezina ezizena ezarri zioten, iraultza "perfektua" lortzeko jarri zuen grinagatik eta bertuteari eman zion garrantziagatik. Izuarengaraian, kide nagusienetako bat izan zen eta 1794ko uztailaren 28an (Beroliseko 9a), inongo epaiketarik egin gabe, gilotinatu egin zuten, beste 21 lagunekin batera.
1789an Estatu Nagusietan HirugarrenEstatua ordezkatzeko hautatua izan zen. Rousseauren teorien aldekoa zen eta, Asanblada Konstituziogilean parte hartu zuenean, gizonezkoen sufragio unibertsalaren eta errepublikaren aldeko agertu zen.Hasieratik erakutsi zuen politikarako dohain aparta eta bere Adresse à la nation artésienne delakoak ospe izugarria lortu zuen. Asko ziren urruti iritsiko zela pentsatu zutenak. Mirabeauren hitzetan:Gazte honek esaten duen guztia sinesten du; urrutira iritsiko da. Beste askorentzat, berriz, bere diskurtsoak oso muturrekoak ziren.
Hizlari aparta, Batzar Konstituziogilean 150 bat mintzaldi egin zituen1791 arte eta, pixkanaka, ezkerralderantz eraldatzen ari zen taldetxo baten lider egiten joan zen. 1790. urtean jakobinoen klubeko buru bihurtu zen. Klub honen egoitza Saint Jacques komentu ohia zeneta horrek eman zion izena taldeari.
Erregearen ihesak monarkia konstituzionalaren aukera galarazi zuen. Rosbespierre kontu handiz aritu zen, baina 1791ko uztailaren 17an, milaka manifestarikerregearen abdikazioa eskatu zuten Pariseko kaleetan zehar eta La Fayette iraultzailearen esanetara zeuden erregearen batailoiek gogor zapaldu zituzten. Buruzagi erradikal nagusienek, beldurrak jota,Frantziatik alde egin zuten -Danton Ingalaterrara joan zen-; beste batzuk, ordea, klandestinitatera pasatu ziren, Marat kasu. Robespierre, berriz, etxez aldatu bazen ere, Parisen geratu zen eta horregatik...