tfgyihuo

Fotosintesi
Articlo d'os 1000


Una fuella, o lugar principal a on que se desenvolica la fotosintesi en as plantas.


Vista cheneral d'o ciclo entre autotrofos y heterotrofos. A fotosintesi ye o medio principal por o qualo as plantas, as algas y muitas bacterias producen compuestos organicos y oxichén a partir de dioxido de carbonio y augua (flecha verda).
A fotosintesi (d'o griego φώτοfoto, "luz" y σύνθεσις synthesis, "composición") ye una rota metabolica que convierte o dioxido de carbonio en compuestos organicos, más que más zucres, emplegando a enerchía d'a luz solar.[1] A fotosintesi se produce en as plantas, as algas, y muitas especies de bacterias, pero no en as arqueobacterias. Os organismos fotosinteticos reciben o nombre de "fotoautotrofos", pero no totz os organismosque emplegan a luz como fuent d'enerchía fan a fotosintesi, ya que os "fotoheterotrofos" emplegan compuestos organicos, y no dioxido de carbonio, como fuent de carbonio.[2] En as plantas, as algas e as cianobacterias, a fotosintesi fa servir dioxido de carbonio y augua, liberando oxichén como producto residual. A fotosintesi tien una importancia crucial ta la vida en a Tierra, ya que amás demantener o ran normal d'oxichén en l'atmosfera, quasi totas as formas de vida en penden dreitament como fuent d'enerchía, u indreitament como fuent zaguera d'enerchía en o suyo alimento.[2] A cantidat d'enerchía presa por a fotosintesi ye prou graniza, de bells 100 terawatts:[3] ixo ye bellas seis vegatas a enerchía consumita anyalment por a civilización humana.[4] En total, os organismosfotosinteticos convierten bells 100.000 millons de toneladas de carbonio en biomasa cada anyo.[5]
Encara que a fotosintesi se puet producir de diferents maneras en diferents especies, bells rasgos son siempre iguals. Por eixemplo, lo proceso siempre prencipia quan a enerchía luminica ye absorbita por proteínas ditas centros de reacción fotosinteticos, que contienen clorofilas. En as plantas, istas proteínasresiden en o interior d'organulos ditos cloroplastos, mientres que en as bacterias se troban en a membrana plasmatica. Una parti d'a enerchía luminica ye recullita por as clorofilas en forma de trifosfato d'adenosina (ATP). A resta d'a enerchía se fa servir ta trayer electrons d'una substancia como l'augua. Allora, istos electrons s'emplegan en as reaccions que transforman o dioxido de carbonio encomponents organicos. En as plantas, algas y cianobacterias, isto se fa a traviés d'una seqüencia de reaccions dita ciclo de Calvin, pero en bellas bacterias se dan conchuntos diferents de reaccions, como lo ciclo de Krebs inverso en Chlorobium. Muitos organismos fotosinteticos tienen adaptacions que concentran u almadazenan o dioxido de carbonio. Isto premite reducir un proceso ditofotorespiración en que se puet malmeter parti d'o zucre chenerato mientres a fotosintesi.
A fotosintesi evolucionó en a historia evolutiva d'a vida, quan totas as formas de vida d'a Tierra yeran microorganismos y l'atmosfera teneba muito más dioxido de carbonio. Os primers organismos fotosinteticos probablement evolucionoron fa bells 3.500 millons d'anyos, y emplegaban o hidrochén u l'acido sulfidrico comofuent d'electrons, en cuentas de l'augua.[6] As cianobacterias amaneixioron más entabant, fa bells 3.000 millons d'anyos, y cambeyoron a Tierra ta cutio quan prencipioron a oxichenar l'atmosfera a partir de fa bells 2.400 millons d'anyos.[7] Ista nueva atmosfera premitió a evolución de vida complexa, como los protistas. Eventualment, fa bells 550 millons d'anyos, un d'istos protistas formó unarelación simbiotica con una cianobacteria, creyando l'antipasau d'as plantas y as algas.[8] Os cloroplastos d'as plantas actuals son os descendients d'istas cianobacterias simbioticas ancestrals.
Bi ha diferents tipos de fotosintesis. En as plantas destacan as modalidatz C3 y C4 seguntes o numero d'atomos de carbonio d'o primer compuesto sintetizau.[9] As segundas tienen aventalla en medios calidos...