A poesía das Irmandades da Fala. Características, autores e obras representativas.

Nas primeiras décadas do século XX a literatura galega experimenta un notable avance, revitalizando o herdo do Rexurdimento con novos xéneros . Ademais esténdese o nacionalismo e a concienciacióngaleguista, labor na que destacan as Irmandades da Fala, creadas en 1916 con Vilar Ponte á cabeza. O seu obxectivo principal era a exaltación, dignificación e expansión do idioma galego, converténdose en1918 na organización política que formulará as teses do nacionalismo galego, e formando o Partido Galeguista en 1931.
A importancia cultural das Irmandades foi tamén esencial, pois no seu seoxurdirán o Grupo Nós, o SEG e autores destacados como Noriega Varela e Ramón Cabanillas.
Antonio Noriega Varela da unha visión poética e impresionista da natureza e inicia a corrente do“neovirxilianismo”, aproveitando elementos saudosistas de influencia portuguesa. Nel podemos atopar poesía costumista, na liña do século XIX, cantando a dura vida dos labregos e as alegrías da aldea, e poesíaintimista, na que aparecen sós a natureza e o poeta. Denominado “o poeta da montaña”, publicou o libro Do ermo, ademais de A virxe e a paisanaxe, unha recompilación de cantigas populares en honra daVirxe, e Como falan os bragueños, unha colección de refráns e cantigas populares.
Ramón Cabanillas Enríquez participou activamente nas iniciativas políticas nacionalistas e culturais como asIrmandades, o Grupo Nós ou o SEG. Chamado “Poeta da Raza”, defende o movemento agrarista e anticaciquil. Ingresa na RAG en 1920, e na RAE en 1929 como representante da nosa literatura.
A parte fundamental daobra de Cabanillas é a poesía, lírica e narrativa, na que asimila a poesía de Rosalía, Curros e Pondal e toma elementos do modernismo. Dentro da poesía lírica, distínguense a poesía social, decarácter agrarista e anticaciquil (seguindo a estela de Curros), con libros como No desterro, Vento mareiro e Da terra asoballada; a intimista, seguindo a Rosalía ou Bécquer, co seu libro A rosa de cen...