K'ÁANKABIL OOK

 Día INTERNACIONAL DE LAS LENGUAS MATERNAS.

U yuumil: Nehemías CHí Kanché

K'ÁANKABIL OOK

K'áankabil ook, kux'anech, t'aanen
a t'aanile' ku ts'áaik jump'éel eek' ta t'aanjo'ol
Kutaasik síis óolal sáansamal ta puksi'ik'al
ku sáaskuntik u beelil u juum a chi'ilakabil

K'áankabil ook, u'uy u t'aan Aj Nool
k'ajóolt buka'aj nojochil ba'ax sibtech
ma' a ta'akik ti' máako'ob uk'áato'ob ka tu'ubsej
K'a'ajakteche' ti' yaan a kuxtal maantats'i'

K'áankabil ook, yáan wáa keeto'ob ta wéetel?
Néentaabaj t miatsilil, ti' ken a wil mina'ani'
U chuun kootil K miáatsile' nukuchtuukulo'ob
U puksi'k'al úuchben máako'ob pak’ ta ts’o’omel

K'áankabil ook, t'aanen bey táan u p'ilik u yich yum k'iine'
yéetel a t'aane' ka sáasilkuntik u beel a paalal
ka' kuxkintik u tuukulúuchben máako'ob
ka máaytik u yóol u lu'umil Máaya wíinik

K'áankabil ook, k'áaynen bey u k'aay kuutse'
Xóobnen bey u xóob báaxal k'eeje'
Óok'otnen bey tso’ ja'atskabile'
Tuukulnen je' bix utuukul Aj na'ato'obe'

K'áankabil ook, ma' a tu'ubsik a t'aan
síi ti' a paalal, ti' a wáabilo'ob u t'aan a chiich
A xsak poole chiiche’ ch’ujuk tu t'aanajilech
Ka' tu yúuntajech ta k'aan tachichnil

K'áankabil ook, t'aanen kan ti'is lu'um
Ken léembal a sak poole', léenbanak a t'aan
A t'aane' sáansamal ku táankelentaj ta chi'
Tumeen a k'i'ike'ele' u yiik' Maaya t'aan

CRIATURA TERRENALCriatura Terrenal, vives, habla
Tu lenguaje corona de estrellas tu frente
Refresca día a día tu corazón
Ilumina el camino de la algarabía de tu descendencia

Criatura terrenal, escucha losconsejos del abuelo
Reconoce la grandeza de este regalo
No lo escondas al hombre que desea que lo olvides
Recuerda que de ella depende tu vida siempre

Criatura Terrenal, hay iguales a ti?
Espéjateen nuestra cultura y verás que no hay otro igual}
El cimiento de nuestra cultura es sabiduría
El corazón de nuestros antepasados lo sembró en tu ser.


Criatura terrenal, Habla como si el sol...