Asdfasdf

CHE RU TUJAMI
 
Aichejáranga che ru tujami nekane’õ’ỹva
ejúna ko’ápe ko che renondépe torohechami.
Péina aguereko che ñe’ẽpoty nemba’erãitéva,
ejapysaka ko che remiandu ndéve tajykýi.Mba’apópe oikógui umi nde jyva hajyguesẽmbáma
ha nde po pire iñanambusúva che ru tujami.
Pe nde ati’y kuarahy rata ohapy asíva,
áğa oikotevẽma ára pytu’úre che ru tujami.

Ha upevarã péina ude ra’yakakuaapáma.
Áğa che haitéma ajepytasóta che ru tujami
tove taraha nde rapykuere ku techapyrãme,
chéveko hi’ãma ağaite guivéma repytu’umi.

Aguyje che ru, che ru tujami nekane’õ’ỹva
nde poyvi arahátako che pyti’ápe tomimbirei.
Tove kuarahy tohapy avei che pire ikyrýiva
rombotuichahávo ajepytasóne che ru tujami.

Sabino Giménez Ortega
Heñoi'akue Tovatĩme, 1947-me. Itavapevoi oñepyrũkurioñemoarandu, upéima avei Paraguaýpe. Oiko ichugui Guarani ñe'ẽ mbo'ehára IDELGUAP-pe. Ohai ñe'ẽpoty Guaraníme osẽva heta arandukápe, péicha: "Y ahora la palabra", "Poesía Taller" ha "Poesía itinerante",mbohapyve Taller de Poesía Manuel Ortíz Guerrero rembiapokue. Omba'apo pukoe Cardinal-pe, upépe are omotenonde tembiapo iñasãiva ko'ẽ jave, hérava "Paraguáy mba'apohára rapére"

JHA, CHE RETÃNdévente che retãmi
reĩméva yvotytýpe
hokypu che ñe’ãpýpe
ko purajhéi guarani.

. Che ha’e nemembymi
. nderayhúva añetehápe,
. opaite che rekohápe
. nderehénte ajesaupi.

Pévare reiko ajanderayhu’ỹva poguýpe
opupúva che ruguýpe
vy’a’ỹ ha angata.

. Aikokuévo ahecha
. nderehe hakate’ỹva
. hetáma oiko asýva
. he’ĩ rehe añetegua.

Ha umi tekove vai
heñóiva’ekue Aña retãgui
tie’y ha tovaatãgui
nanderejái gueteri.

. Tavaygua ha okaraygua
. iñembyahýi, iro’ỹva
. ha umí okirirĩ’ỹva
. hetãgui oñemosẽmba.

Tovéke pe mombyry
amo kuarahyresẽvo
omimbíma iñapysẽvo
sã jejora potapy.. Ikatúmo upe rire
. jaguata py’a guapýpe
. hetaitéma tesaýpe
. ha tuguýpe jaikove.

PEDRO ENCINA RAMOS
Heñoi'akue Villarricape, ára 20 jasypa 1924-me. Itúva herava'ekue Juan...