AZKEN BUKARDOA

Katamotza

Katamotz iberiarra aspaldian dago desagertzeko arriskuan, baina, joan den urteko kontaketaren ondoren, egoera kritikoa dela dirudi. Berrehun ale baino gutxiago daude eta, horietatik,hogeita hamar besterik ez dira eme ugalkorrak. Neurri zorrotzak hartu ezean, hamarkada batean desagertuko omen dira. Natura eta Baliabide Naturalak Kontserbatzeko Nazioarteko Batasuna erakundearenarabera, habitata babestea eta untxi-populazioa leheneratzea dira neurri horietako bi.

UICNk “arrisku kritikoan” dauden espezieen artean katamotza birklasifikatu du. Laurogeita hamarreko hamarkadan1.200 buru erregistratu ziren iberiar katamotzen artean eta, biztanleria dagoeneko horren erdira murriztu delarik, azken bi mila urteetan basakatuetan desagertuko den lehenengo espeziea izango da.Katamotza Mediterraneoko basoetan eta sasiarteetan bizi da, eta babesteko sasi sarriak eta untxiak harrapatzeko bazkaleku irekiak ditu gustuko. Nekazaritzak eta industri garapenak bere habitata zatitudutenez, katamotza Iberiar penintsulako hego-mendebaldeko hainbat koadrantetan dago konfinatuta, talde sakabanatuetan.
Felinoari laguntzeko helburuarekin, IUCNk adierazi du nahitaezkoa dela katamotzabizi den lurraldeko untxien biztanleria berrezartzea. Horrez gainera, gatibutasunean ugaltzeko programa azeleratu bat ere ezarri beharko litzateke, gutxienez hamabi bururekin
Azken bukardoa
ParkeNazionaleko eta Bukardoaren Errekuperazio Planerako teknikariek bukardo (Capra pyrenaica pyrenaica) eme bat harrapatu zuten Ordesa eta Monte Perdidoko Parke Nazionalean. Bukardoa behiala Pirinio osoan bizizen basahuntz subespeziea da eta dauden datuen arabera atzemandako bukardoa subespezie horretako azken alea da (azken arra duela hainbat urte desagertu zen).
Orain dela urte eta erdi inguru besteeme bat harrapatu eta itxitura batean sartu zuten basahuntz arruntek(Capra pyrenaica) ernal zezaten, baina hilabete batzuren buruan hil egin zen. Orain, ordea, lasaigarriaz lokartu ondoren zelula...