None


Índice de contidos




Introdución

A fraseoloxía, como ámbito pertencente á lingüística, presenta unha serie de trazos que a separan do resto de enunciados que podemos chamar libres e por tanto un obxecto de estudo propio, xa que describe o máis característico dun pobo, da súa psicoloxía e mesmo do desenvolvemento diacrónico da lingua cos cambios semánticos que se producen de formaespontánea e única e logo a especialización semántica dos seus fraseoloxismos que se repiten mentres seguen en voga.

Por outro lado temos a aproximación aos estudos lingüísticos que nos permite o uso de corpus textuais de diferente tipoloxía e linguas. Grazas ao procesamento destes abundantes referentes de lingua real e a oportunidade de estudar os fraseoloxismos desde un punto de vistadiacrónico, sincrónico, pola tipoloxía dos mesmos, estatisticamente, etc.

Con este traballo pretendemos demostrar a elevada aparición de estruturas ou enunciados fraseolóxicos en lingua galega a través de traducións de novelas inglesas de certa repercusión literaria encadradas no lustro 1989 a 1994. Logo de recollidos os fraseoloxismos pretendemos comparalos cos posibles orixinais en inglés e de habeloscoas solucións portuguesas tamén empregando corpus bilingües e outros recursos textuais e en liña de referencia sobre paremias.

Esperamos pois demostrar a relevancia estatística destas formas da linguaxe e apoiarnos para facelo en mostras relevantes de literatura inglesa traducida a galego nun punto sinalado da normalización da lingua, pasado case un decenio desde a aprobación do estatuto deautonomía.

Metodoloxía

Despois de afondar no marco teórico que xustifica o enfoque pragmático que ofrece o procesamento no cadro da lingüística de corpus e dos estudos de tradución, decidimos realizar este traballo comparando unidades fraseolóxicas ou fraseoloxismos utilizando o corpus paralelo inglés-galego TECTRA (Textos para Estilística Comparada e TRAdución).

Para conseguir eseenunciados fraseolóxicos neste corpus onde só é posible consultar os textos que o nutren ata o nivel da oración, houbo que aplicar fórmulas complexas de busca atendendo á diversa tipoloxía que presentan os fraseoloxismos e que explicamos sucintamente máis adiante.

Ditas fórmulas e expresións de busca son unha combinación de "expresións regulares de tipo PCRE" (Perl Compatible Regular Expressions) e querepresentan caracteres e símbolos que describen a forma dunha cadea de texto procurada.

No noso caso as tipoloxías fraseolóxicas procurámolas en galego, co que a aplicación nos devolve o equivalente en lingua inglesa orixinal para aquela tradución. Alén de analizar a equivalencia, significado e apropiación da solución de tradución empregada, tamén cruzamos os fraseoloxismos presentes en linguainglesa coas solucións propostas en portugués polo corpus paralelo bidireccional de portugués e inglés COMPARA, alén de reunir información sobre a estrutura orixinal utilizando algún dos seguintes recursos en liña:
http://www.usingenglish.com/reference/idioms/
http://idioms.thefreedictionary.com/
http://www.idiomeanings.com/idioms/category/idiom-dictionary/
Presentamos esta información deforma individualizada para cada fraseoloxismo analizado de forma que apareza sempre:

Os criterios de busca empregados
A equivalencia obtida no corpus TECTRA
Información sobre a estrutura orixinal inglesa en fontes idiomáticas
A posible equivalencia do fraseoloxismo orixinal inglés no corpus COMPARA
Comentarios sobre a pertinencia ou adecuación da solución tradutolóxica

O traballo apartir dos corpus

Como apuntamos na introdución deste traballo, o campo no que desenvolvemos esta análise pertence á lingüística de corpus or córpora que consiste nun achegamento empírico e análise de amplas coleccións de textos por medio de ferramentas computerizadas. Esta subdisciplina da lingüística supón un enfoque renovado para os estudos de tradución en contraposición ás teses dualistas...