Apu_Inka_Atawallpaman

Apu Inka Atawallpaman
Ima k’uychin kay yana
k’uychi sayarimun?
Qosqoq awqanpa millay
wach’i illarimun;
tukuy imapi saqra chikchi
t’akakamun.
Watupakurqan sonqollaymi,
sapa kutimosqoynipipas-ch’eqmi
ch’eqmi,uti-utichiririnka
qhenchataraqmi
Aqoy phuti!
Inti tutayan q’elloyaspa,
-hop watuypiAtawallpata
ayachaspa,
chay sutinpi
wañuynillanta chikachaspa
hoq ch’illmiypi.
Umallantas wit’unkuña,
millayawqa;
yawar mayus purisqanña
p’alga-p’alga.
Q’aqmaq virus phaqchukunña
Llakiy salqa!
Titiyanañas Inti ñawillan
Apu Inkaq;
Chiriyanñas hatun sonqollan
Atawallpaq;
Tawantinsuyus Waqallasqan
hik’isparaqPacha phuyus tiyaykamunña
tutayaspa;
mama killas qamparmananña
wawayaspa;
tukuy imapas pakakunña
Ilakikuspa.
Allapas mich’akun meqllayllanta
apullanpaq,
p’enqakoq hina ayallanta munaqninpaq,
manchakoqhina wamink’anta
Millp’unqanpaq.
Qaqapas ch’ilan apunmanta
wankaskuspan;
mayuspas qaparin phutiymanta,
hunt’akuspan,
weqekuna kuska tanta
mich’ukuspa.
Pi runan mana waqanmanchu
munaqninpaq?
Ima churinmana kanmanchu
yayallanpaq
ancheq, phuteq, sonqo k’irilla
mana t’aqlla?
Ima urpin mana kanmanchu
yanamanta
musphaykachaq?
T’illa luychu
songoymanta
yawar weqeq, qechu-qechu
kusinmanta?
Lirp’uyphaqcha weqellawan
ayallanta
armaykuspa, wawa sonqowan
meqllasqanta,
chunka maki kamarinninwan
lulusqanta,
sonqollanpa raprallanwan
p’intuykuspa,
qhasqollanpa llikallanwan
qataykuspa,
llakeq ikmaqqhaqyaynillanwan
qaparispa,
pallakunan muyuykunña
yanakama;
Willaq Umu llaqollakunña
arphankama;
llapa runan Wachurikunña
p’uytunkama.
wañuy –p’itin, llaki-musphan
Mama Qhoya;
mayu-mayu weqen phawan
q’elloaya,
tikay-tikay uyallanpas,
simillanpas:
Maytan rinki chinkasrispayki
ñawiymanta
kay suyuta saqerispayki
llakiymanta,wiñayllanpaq t’aqakuspayki sonqoymanta?
Wasi hunt’a qori-qolqewan
yuraq awqa
- antiymilip’uy millay sonqowan
tanga-tanga,
aswan-aswan t’ituy munaywan
phiña salgatukuy
imata qosqhaqtiyki, sipisunki,
munayninman hunt’aykachinki,
qan, sapayki,
Qaqa Markapi wanuspayki,
p’uchukanki....