Diferencia colegio rural- urbano

Diferenzas entre escola rural e escola urbana


INTRODUCCIÓN

Nós, como grupo de traballo, decidimos que o tema sobre o cal terxiversaría a nosa labor nesta práctica, fosen as diferenzas entre escola rural e urbana, dado que as nosas sospeitas configuraban a existencia das mesmas.
Quixemos comezar polo intento de evidenciar as nosas suposicións. Deste xeito, a maneira máis pragmática defacelo, e probablemente a única, consistía en desprazarnos ata distintos colexios situados en contextos moi distintos.
Ata o primeiro chegamos a través dun camiño máis ben tortuoso, feito que nos fixo comprender rapidamente que ao final do traxecto presenciaríamos unha escola nun medio rural. Era o colexio de Bembibre. Nenos galegofalantes na súa totalidade, acostumados a vivir no campo, arealizar tarefas que lle son propias, a xogar na máxima e íntegra liberdade…. Nenos que non simpatizaban coa timidez e que en ocasións, ata resultaban demasiado espontáneos.
A nosa segunda xornada de experimentación como grupo, transcurriu nun colexio de Santiago. O “Divino Maestro”. Nada máis entrar pola porta, decatámonos de que a diferenza entre escola urbana e rural estaba máis que verificada.Ante os nosos ollos, abraiados desta vez pola pulcra atención que se nos emprestaba, sentaban nenos uniformados, máis ben discretos e que non pronunciaban unha palabra no idioma identitario que nos é propio.
Porén, da disparidade e confrontamento entre ambos falaremos xa ben entrados no traballo, onde profundizaremos en máis aspectos. Sen máis, este so foi un pequeno adianto introductorio para quenon quepa lugar á dúbida da temática do traballo.

ESCOLA RURAL: CEIP BEMBIBRE
Segundo Díez Prieto a definición de rural non pode ser de carácter estático, senón capaz de adecuarse ao rural no tempo histórico e no espazo xeográfico e cultural concretos. O rural non é só un feito, é un suceso.
A escola rural caracterízase por ser única na localidade, e por estar situadas en pequenos núcleos depoboación con poucos habitantes.
DESCRICIÓN DO CENTRO:

Este centro atópase no centro da aldea de Bembibre, conformado por dous edificios independentes nos que se encadran nun Educación Infantil e Primaria, e noutro Educación Secundaria.
O primeiro, o do noso interese, estrutúrase en dúas plantas iguais. Na entrada atópase a conserxería máis unhas pequenas aulas; á esquerda ábrese uncorredor, igual no piso inferior, no que se distribúen as diversas clases.
Educación Infantil e o primeiro ciclo de Educación Primaria desenrólase no piso de abaixo, onde as aulas contan con mobiliario máis pequeno e máis decoración.
No andar superior, a parte das salas dos restantes cursos, atopamos unha ampla biblioteca dotada dun importante número de libros, onde se realizan lecturas e visionado dematerial audiovisual. Tamén contan cun aula de informática con preto de quince computadoras e outra que posúe unha encerado electrónica con achegas para o mellor uso dos alumnos, como o é a colocación dunha pequena tarima para que os máis cativos a alcancen.
É de destacar a gran cantidade de elementos plásticos que decoran todo o centro, que avivan as gastadas instalacións, todos eles obra dosalumnos e que representan diferentes actividades ou días sinalados.
O patio de recreo consta dunha pista de fútbol e dunha pequena zona axardinada e para a realización de actividades deportivas teñen un pequeno ximnasio.
A xornada lectiva de este centro comeza as 10.15 e remata as 17.15, cun descanso ao mediodía, e cóntase cun transporte escolar que achega aos nenos dos arredores, recolléndooscomo moi cedo as 9.45. De todas formas o colexio mantense aberto ata as 21.00 ou 22.00 dependendo do día, debido a que pola tarde desenvólvense numerosas actividades extraescolares, como poden ser patinaxe, fútbol, solfexo, instrumentos como guitarra ou piano, danza ou natación, achegándose nun autocar a unha piscina próxima. Pero non so está aberto para estas actividades senón que os rapaces poden...