malirar aleixandre

Un acto literario-musical, celebrado na illa de San Simón, ao que asistiron máis de trescentas persoas, serviu onte para dar a coñecer o ditame da XXVª edición do Premio Xerais de Novela, a XXIIIªedición do Premio Merlín de Literatura Infantil e a IIIª edición do Premio Fundación Caixa Galicia de Literatura Xuvenil. O primeiro destes galardóns, dotado con 25.000 euros, recaeu en Manuel LourenzoGonzález pola súa novela O xardín das pedras flotantes. O Merlín de Literatura Infantil correspondeulle a Mar Guerra Cid pola súa obra Xenaro e o misterio da mochilota verde, mentres que o PremioFundación Caixa Galicia, dotado, como o anterior, con 10.000 euros, foi para Marilar Aleixandre polo seu libro A cabeza de Medusa.No acto, que contou coa actuación do cantautor Tino Baz, o escritor CarlosG. Reigosa, gañador do premio Xerais de novela no 1984, exerceu de mantedor literario, e subliñou o traballo de Xerais nas tres últimas décadas, recordando que dende sempre editorial dirixiuse aosautores máis novos, "aos que eramos unha promesa secreta, unha vocación inexplorada, un pulo incerto de transformación e cambio, unha especie de soño aínda sen cotexar coa realidade".Manuel Lourenzo,profesor e escritor, explicou ao recoller o premio que O xardín das pedras flotantes é un "un discorrer de múltiples historias que van confluír nos dous personaxes centrais, un rapaz e unha rapaza,cuxas vidas son o resultado inevitábel das sutís armazóns creadas polas vidas dos seus antecesores. Chegados á adolescencia, o amor déixase sentir entre eles. Daquela, a busca dun espazo propio conduciráá traxedia como única vía posíbel de liberación".Mar Guerra, xornalista, definiu a que é a súa primeira novela como "un relato sinxelo, sen efectos especiais: unha historia de amizade, cotiá, case quecorrente".Pola súa banda, a escritora Marilar Aleixandre apuntou que o seu libro "fala de como vencer o medo e a vergoña. Esta novela non transcorre nos tempos mitolóxicos, senón nos nosos. Dialoga...