normas
O proceso de normalización dunha lingua ( implantación xeral na sociedade) vai estreitamente emparellado coa súa normativización (a regulación do tipo de idioma a empregar); no proceso de normativización distinguimos tres tarefas fundamentais:
a) Grafización: consistentes en darforma escrita a unha variedade falada; ten que ver coa fonética e fonoloxía así como a ortografía.
b) Estandarización: creación dunha variedade uniforme, propia da escrita e da comunicación formal, situada por riba das distintas variedades xeográficas, sociais e estilísticas; o plano de actuación típico deste proceso ten que ver coa morfoloxía: no plano morfosintáctico (regularización daflexión de palabras e sistemas gramaticais: formación do xénero, número, forma e función dos pronomes... ) e no morfolóxico (formación de palabras...)
c) Modernización: Consistente na habilitación da lingua para ser empregada en novas formas de discurso e para tratar novos temas por medio do incremento e purificación do léxico.
A normativización supón a elaboración dun código formalizado,común e válido para tódolos falantes, que se concreta na determinación dunha ortografía, unha gramática e un dicionario do idioma.
O galego, sometido desde o século XVI a unha situación diglósica que o reduciu a ser unha lingua oral, experimentou un proceso de deterioro do seu sistema lingüístico, alterado pola intromisión do castelán, especialmente no léxico e na morfoloxía e asistiua unha disolución da súa unidade básica ao carecer dun referente culto que servise como modelo e elemento uniformizador. As consecuencias disto foron a castelanización e a dialectalización do idioma.
Cando no século XIX o galego gaña outra vez o espazo escrito, os seus cultivadores encóntranse cunha lingua fragmentada e rusticizada, de vocabulario limitado ás realidades primarias, eque suplía as súas insuficiencias (léxicas, ortográficas...) co modelo do castelán.
Ignorantes da tradición escrita medieval, os escritores do XIX foron ensaiando solucións, probando fonemas e morfemas na procura dunha lingua digna, apta para as máis elevadas esixencias da cultura, e unificada. O dialectalismo ( utilización da propia fala individual, dialectalizada, castelanizada), ointerdialectalismo (mestura asistemática de elementos provenientes de diversos dialectos galegos) e o supradialectalismo (busca dun galego culto e unificado, superador de peculiarismos e depurado) son as etapas que comprende esta marcha.
A pesar de estar xa presente desde os primeiros momentos a necesidade de lograr unha unificación da lingua escrita, non foi ata moi recentemente cando estedesexo tomou forma práctica.
A incorporación do galego ao ensino e á vida social e institucional, aos medios de comunicación social, o crecente labor editorial..., puxeron de manifesto a urxencia de se dotar dun soporte básico de tipo ortográfico e morfolóxico que posibilitase o inicio dun eficiente proceso normalizador da lingua.
Nos anos 1970-1 a Real Academia (RAG) fixo públicas unhasNormas Ortográficas e Morfolóxicas que recollían grande parte das solucións que se xeneralizaran, máis ou menos espontaneamente, no galego escrito. Mais serán os anos finais da década e os primeiros da década dos oitenta os que van asistir a unha inusitada febre normativizadora con diferentes propostas da man distintas posturas.
A diferente concepción lingüística que manifestanestas posturas traduciuse en propostas normativas diferentes e enfrontadas entres si, Mais foron son as NORMAS ORTOGRÁFICAS E MORFOLOXICAS DO IDIOMA GALEGO do ILG- RAG, de carácter rexeneracionista, publicadas no ano 1982 as que, tras ser sancionadas pola Xunta de Galicia, adquiriron carácter oficial; foron revisadas no 1995 e novamente o 12 de xullo de 2003 a Real Academia Galega,...
Regístrate para leer el documento completo.