Abadesa encinta

Sennores e amigos companna de prestar
De que Dios se vos quiso traer a est logar,
Aun si me quissiessedes un poco esperar,
En un otro miraclo vos querria fablar.

De un otro miraclo vos querria contar
Que fizo la Gloriosa estrella de la mar:
Si oirme quisieredes, bien podedes iurar
Que de meior boccado non podriedes tastar .

Ennos tiempos derechos que corria la verdat,
Que non diçienpor nada los omnes falsedat,
Estonz vivien a buenas, vinien a vegedat,
Vedien a sus trasnietos en septima edat.

Façie Dios por los omnes miraclos cutiano,
Ca non querie ninguno mentir a su xpiano,
Avien tiempos derechos ivierno e verano,
Semeiaba el sieglo que todo era plano.

Si pecaban los omnes, façien bien penitençia,
Perdonabalis luego Dios toda la malquerençia,
Avien con Jesu Xpotoda su atenençia:
Quierovos dar a esto una buena sentençia.

De una abbatissa vos quiero fer conseia,
Que peccó en buen punto commo a mi semeia,
Quissieronli sus duennas revolver mala çeia,
Mas nol empedeçieron valient una erveia.

En esta abbadesa iaçie mucha bondat,
Era de grant recabdo e de grant caridat,
Guiaba su conviento de toda voluntat
Toda monia que façe tan grantdesonestat,
Que non guarda so cuerpo nin tiene castidat,
Debie seer echada de la soçiedat:
Allá por do quisiere faga tal suçiedat.

Sennor, dissoli ella, por qué me maltraedes?
Non so por aventura tal commo vos tenedes:
Duenna, disso el bispo, porque vos lo neguedes,
Non se redes creida, ca a probar seredes.

Deiem ia, disso el bispo, essit vos al ostal,
Nos abremos conseio, depues faremos al:Sennor, disso la duenna, non deçides nul mal:
Io a Dios me acomiendo, al que puede e val.

Issio la abbadessa fuera del consistorio,
Commo mandó el bispo, fo poral diversorio,
Fiçieron su cabillo la ira o el odio,
Amasaron su massa de farina de ordio.

Dissolis el obispo: amigos non podemos
Condepnar esta duenna menos que la probemos.
Dissoli el conviento: de lo que bien sabemos,
Sennor,en otra prueba nos por qué entraremos?

Dissolis el obispo: quando fuere vençida,
Vos seredes mas salvos, ella mas confondida:
Si non nuestra sentençia serie mal retraida:
Non li puede en cabo prestar nula guarida.

Envió de sus clerigos en qui él mas fiaba,
Que probassen la cosa de qual guisa estaba:
Tollieronli la saia maguer que li pesaba,
Fallaronla tan secca que tabla semeiaba.Non trovaron en ella signo de prennedat,
Nin leche nin batuda de nulla malveztat:
Dissieron: non es esto fuera grant vanidat,
Nunqua fo levantada, tan fiera falsedat.

Tornaron al obispo, dissieronli: sennor,
Sabet que es culpada de valde la seror:
Quiquiere que al vos diga, salva vuestra onor,
Dizvos tan grant mentira, que non podrie maior.

Cuidóse el obispo que eran deçebidos,
Quelis avie la duenna dineros prometidos:
Dixo: domnos maliellos, non seredes creidos,
Ca otra quilma tiene de iusso los vestidos.

Disso: non vos lo quiero tan aina creer,
O sodes vergonzosos, o prisiestes aver:
Io quiero esta cosa por mis ojos veer;
Si non, qui lo apuso lo debe padeçer.

Levantóse el bispo onde estaba assentado,
Fo pora la abbadessa sannoso e irado,
Fizoli despuiar lacogulla sin grado,
Probó quel aponien crimen falsso probado.

Tornose al conviento bravo e muy fellon:
Duennas, disso, fiçiestes una grant traiçion,
Pussiestes la sennora en tan mala razon
Que es muy despreçiada vuestra religion.

Esta cosa non puede sin iustiçia passar,
La culpa que quissiestes vos a ella echar,
El decreto lo manda, en vos debe tornar,
Que debedes seer echadas desti logar.Vío la abbadessa las duennas mal iudgadas,
Que avien a seer de la casa echadas,
Sacó a part al bispo bien a quinçe passadas:
Sennor, disso, los duennas non son mucho culpadas.

Dissoli su façienda, porque era pasada,
Por sus graves peccados commo fo enganada,
Commo la acorrió la Virgo coronada:
Si por ella non fuesse, fuera mal porfazada:

E commo mandó ella el ninnuelo levar,...