Globalización

A GLOBALIZACIÓN



Brunibrownie
Bruni.brownie@gmail.com

A globalización é un concepto de perímetros moi amplos e polo tanto de difícil definición, pero que modificou intensa e rapidamente a realidade no ámbito social, cultural, político e económico, polo é un tema dunha grande importanciapara a socioloxía actual. Segundo David Held refírese a un conxunto de procesos que crean un mundo caracterizado por unhas relación e redes humanas cada vez máis extensas, e tamén pola súa elevada intensidade relativa, a súa alta velocidade e a grande propensión a exercer impacto en múltiples facetas da vida social (Held,2002). Peter Marcuse establece coma unha das súas características a reificaciónde bens, servizos, producción cultural e practicas a escala global para maximizalos beneficios financeiros. A globalización non se reduce ós aspectos económicos nin se esgota no “globalismo” (Beck ,1998).
É entón un fenómeno dominante á metade dos anos setenta. Nesta época aparece un novo enfoque do traballo sociolóxico, coma apuntaron autores como que Giddens (1990) ou Robertson (1992), quepretende analizar os evidentes cambios. O proceso non comezou coas súas declaracións, pero si que se veu modificado por elas.
Soe haber unha coincidencia en que o fenómeno da globalización ten a súa orixe máis clara no desenvolvemento tecnolóxico acelerado dende a Revolución Industrial, especialmente na súa terceira etapa, onde os avances en materia de transporte e comunicación son moisalientables. As devanditas melloras son en parte utilizados e impulsados pola Guerra. Estes avances desenvólvense de forma masiva a nivel de usuario, permitindo a interconexión case inmediata de dous lugares calquera do globo. Isto permite a circulación rápida de mercadorías, persoas e información, o que contribúe ó desenvolvemento dos sistemas de integración económica e política, que resulta máisbeneficiosa que a autarquía, e cuxa tendencia é a extensión a nivel global.
A transmisión case instantánea de información transformaraa nunha mercadoría que será explotada como tal. Esta reificaión da información será clave para o desenvolvemento dun novo modelo de sociedade, a sociedade post-industrial1, que ten como eixos o coñecemento e a información. Esta sociedade caracterízase principalmente porun auxe do sector da información, que pasa a ser a principal fonte de ingresos, e un desenvolvemento das tecnoloxías, especialmente nos eidos da xenética e da robótica. Este modelo tamén recibiu o nome de sociedade da información ou sociedade post-fordista.
A estrutura social mudou de forma parexa a estes cambios. Castells concibe a organización da sociedade a modo de rede2, de xeito que arealidade está construída por redes de información que procesan, almacenan e transmiten información sen restricións de distancia, tempo nin volume. Esta nova forma de entender o seu funcionamento basease no fenómeno da globalización, o que dará lugar a unha nova economía informacional, global e en rede.
Nesta sociedade os individuos teñen un acceso máis fácil a unha cantidade meirande de coñecemento.Esta situación modifica o tipo de relacións que teñen entre eles. Tönies3 clasifica o tipo de relacións segundo a proximidade entre os individuos. Distingue entre primarias, multifincuonais e difusas (cara a cara), características das comunidades locais, e secundarias, monofuncionais e puntuais, características das sociedades4.
Os medios de comunicación permiten a relación directa con persoase culturas moi distantes fisicamente, có que a cantidade de información que lle chega a un individuo é moitísimo maior que na etapa anterior. Así, as relacións primarias non quedan reducidas ó entorno. Porén, o desenvolvemento dun estilo de vida de tipo urbano leva a unha individualización crecente, co que as relacións tradicionais coas persoas máis próximas vense reducidas en comparación coas...