Modelo

DIOSPAJ SHIMITA MUSHUJ CRIJCUNAMAN YACHACHINA
Quillcaj: Luis Santillán Amaguaña

Callari nishcacuna:
Maijan Jesucristo quishpichij cashcata crishpa chasquishpaca, mushujta huacharishca, taita Diospaj ayllumi tucun, Paipaj huahua tucushcamanda (Juan 1:12, Juan 3:16). Taita Diospaj huahuacunaca, espiritupi chaira huahuagu caimandami, Diospaj shimigutaca punllandi“lecheguta ufiashpa” causana (2 Corintios 5:17, 1Pedro 2:2, Hebreos 5:12-13), chai jipaman ña ashtahuan viñashpa rishpami, ashtahuan shinlli micunata micushpa catinga (Hechos 5:13-14), shina rurashpami, ña shinlli crij tucushpa, shuj chaira crijcunamambash micunaguta carai ushanga.
Cai Mushuj crijcunata yachachina nishca yachajunacunaca, chunga chuscu yachajunacunatami charin, chaicunaca ashtahuanJesucristopi ima shina shinlliyashpa rinatami yachachin.
Callari canchis yachajunacunaca, manara bautizarishpallata yachajuna nishcami, caica, paicunapaj causaita Jesucristoman cushcamandapacha yachachingapajmi. Mushuj causaipi ima shina puri callarinatami ricuchin, ima shina espiritupi causana cashcata yachajuchun.
Caishuj cati canchis yachajunacunaca, bautizarishca jipa yachajuna nishcami,shinami, taita Dios Paipaj shimipi nishca shina tucui alicunata cushcata yachashpa, japishpa, shinallata; ashtahuan yachajushpa catijunga, shina catishpami Jesucristopi shinlli tucushpa, Paiman rurashpa causajunga.
Jesucristoca, “huasi shayarina Rumi jahuapi shayachishca iglesiaca shinlli shayajungallami, mashna diablo tangajujpipash na shitaringachu” nircami ( Mateo 16:18, Efesios 2:20, Hechos4:11).
Tucui shunguhuanmi crini, espiritupi aliguta punllandi micushpa causashpalla, shinlli shayachishca iglesia cana cashcataca, shinamandami, cai fangalla yachajunacunataca iglesiacunapi yachajupaichi nishpa mingapani.

Ima yuyaihuan quilcashcamanda:
Mushuj crijcunaman, taita Diospaj shimiguta aliguta yachachingapaj, crij tucushpa callarishcamanda, shinlli crij tucushpa catingacaman,Jesucristopi tucuita mishai ushaj cashcata yachashpa, aliguta causaj, shinallata; alipacha Cristoman ruraj cachun.


Nara Bautizarijcunaman yachachina


Yachajuna 1
Quishpirinamanda


Yuyaipi japina verso: II Pedro 3:9



Quishpirinamanda:

a. Tucuicunami juchayuj canchi (Eclesiastés 7:20, Romanos 3:10 y 23, I Juan 1:8)
b. Taita Diosca,juchata na chasquinllu (Ezequiel 18:4, Romanos 6:23ª)

A. Paillata na quishpiri tucunllu


Alita rurashpalla na jahua pachaman yaicunallachu (Isaías 64:6, Efesios 2:8-9)

B. Jesucristomi randishpa quishpichin
Tucuicuna quishpirishca cachunmi, Paillata japi tucushpa huañurca (Isaías 53:5 –6, Juan 14:6 Romanos 5:8, 1Juan 1:7).
C. Jesucristota crishpa chasquishpallami quishpirita ushanchia. Paimi taita Dios caramushca caranagu ( regalo, obsequio- Romanos 6:23b)
b. Paica quishpichingapaj shuyajunmi (Romanos 10:9-10,13, Apocalipsis 3:20)
Maijambash tucui shungupacha juchayuj cashcamanda taita Diosta perdonda mañashpa, quishpichihuai nishpa, tucui shunguhuan Pailla quishpichij cashcata crishpa, chasquishpaca quishpirishcami canga nijunmi Diospaj shimipica (Mateo 4:17, Hechos2:38, 3:19). Shinallata, Jesucristota chasquishcacunaca:
- Quishpirishcapacha cashcata yachanami (I Juan 5:13)
- Na chingaita chingagringachu (Juan 10:27-30)
- Jahua pachaman pushana punllapaj shicanyachishcami canchi ( Efesios 4:30)
- Caicunatapash ricuna (Juan 6:37, I Corintios 3:11-15, Hebreos 9:11-15, I

Corintios 5:1-5).


II. Jesucristopica mushujcausaitami charinchi (2 Corintios 5:17)

Taita Diosca, juchapi causajtami quishpichishpa mushuj causaitapash cushca, Paihuan punllandi parlashpa causai ushachun. Chashna mushujta huacharishca cashpami mushuj shungutapash, mushuj yuyaitapash, shinallata, mushujta rurana munaitapash charinchi.
A. “Crijcunapaj mushuj shungumanda
Crijcunapaj shungutaca mushujyachishcami, chaimandami...