Coeducacion i
Coeducación: espazos para educar en igualdade
TEMA-01 A construción da sensibilidade no profesorado
Coeducación. Espazos para educar en igualdade.
Tema 1. A construción de sensibilidade no profesorado
Introdución
Por que debemos como profesorado traballar a igualdade entre nenos e nenas?Esta é a pregunta inicial que debe abrir o curso e cuxa resposta traballaremos neste primeiro tema. Desde o momento en que nace unha persoa, muller ou home, o contorno familiar e social van condicionando cada unha das súas eleccións e decisións, de tal xeito que van estar determinadas, en maior ou menor medida, polo feito de nacer home ou muller. Isto ocorre porque, a través do proceso de socialización, interiorizamos as normas e os valores que a sociedade nos transmite. Este proceso de socialización constrúe roles e modelos diferentes segundo o sexo de cadaquén e vai configurando o xeito de ser de cada persoa. Neste itinerario achegarémonos a estes conceptos básicos para vinculalos coa situación de desigualdade entre homes e mulleres. Comezaremos a explorar, pois, a construción social da desigualdade.
Obxectivos
• Promover ou reforzar a sensibilización do profesorado no que atinxe á necesidade de traballar cunha perspectiva de xénero no ámbito escolar. • • Analizar, de forma crítica o sistema sexoxénero. Identificar as funcións que a sociedade asigna ás persoas en función do seu sexo para poñelas en diálogo coa discriminación feminina/das mulleres. • •Coñecer como interveñen os medios de comunicación na configuración da nosa identidade. Analizar a problemática da violencia de xénero no ámbito escolar.
Aula Virtual da CIG-Ensino 1
Coeducación. Espazos para educar en igualdade.
1. O sistema sexoxénero
Para comprender as causas e os problemas que implica a desigualdade entre homes e mulleres é necesario que, previamente, nos deteñamos, aínda que sexa a nivel básico, en certos conceptos. A teoría sexoxénero pretende introducir unha reflexión sobre estes dous termos cun obxectivo claro; a distinción entre os feitos biolóxicos e os feitos sociais. Non podemos negar que no plano biolóxico existen diferenzas entre mulleres e homes en relación cos seus órganos xenitais e a súa función na reprodución humana. Porén, o sistema sexoxénero consiste na vinculación dun feito biolóxico a un comportamento social e identitario predeterminado que comprende a construción meramente cultural, polo tanto cuestionable e modificable, das condutas de homes e mulleres. Foi a comezos dos anos sesenta cando comezaron a desenvolverse, nos países anglosaxóns, os estudos sobre as orixes e as causas da posición subordinada das mulleres. Fíxose, entón, necesario introducir categorías analíticas novas. Daquela, o concepto xénero comezou a empregarse para denominar o conxunto de atributos socioculturais asignados ás persoas a partir do sexo;estes atributos socioculturais convertían unha diferenza sexual en desigualdade social, atribuíndo maior valor aos homes que ás mulleres. O sistema sexoxénero non só achegou novos enfoques no estudo da desigualdade cara ás mulleres, senón que abriu tamén novas perspectivas nos estudos sobre masculinidade, diversidade sexual... Esta nova conceptualización fixo e segue facendo posible que comprendamos que as desigualdades sociais entre mulleres e homes non son innatas senón que podemos reclamar a súa desaparición pois son produto de condicionamentos artificiais. A miúdo, adoitamos falar das diferenzas de xénero e das diferenzas de sexo pero son o mesmo? Pese a que en moitas ocasións, no cotián, escoitemos estas dúas palabras (sexo e xénero) como sinónimos, ambas aluden a fenómenos diferentes.
Aula Virtual da CIG-Ensino 2
Coeducación. Espazos para educar en igualdade. Falamos de sexo cando facemos referencia ás diferenzas estritamente biolóxicas que existen entre ...
Regístrate para leer el documento completo.