Capitulo 6

Solo disponible en BuenasTareas
  • Páginas : 2 (361 palabras )
  • Descarga(s) : 0
  • Publicado : 27 de marzo de 2011
Leer documento completo
Vista previa del texto
Nimaq taq winaq chi je o chi mexa, nim laj ok'al utzam re i tijonb'al ib' Juan Quila.

Nim laj tinimit chi ix o waral wo'or. Chik'ama i yix jun rutzil iwach che i a'ab'i.

Kwaj kinjeq inlapanikchi yin in re jun tinimit k'ub'ul, chi xaq re jun tinimit re anoj lik rajwaxik chi kqaya qa'ij, xaq kuxtab'al ke i qatit qamam chi xkriq u'anik kik'aslemal ru' ronojel ni'pa o chwach jyub' ta'aj, xaqxkiyijb'a jalajuj taq etamanik re uwach jyub' ta'aj chi kuya chqe re kqil i qab'e re ko'on panoq ke'eloq chi are urilik ronojel uwach i jyub' ta'aj, are uri xwinaqir i ajlab'al mayab' chi liktz'aqat, u'anik i nimaq taq tak'alaq ab'aj chak chi lik utz antal che lik nti kmajawik, son, tz'ib' mayab', jalajuj taq ch'umil ik', chi lik ke ike rumali kqab'ij chi lik jun tinimit re jalajuj taq anik,I qatit qamam are kelapan ru' i Dios, kki'an y poronik chwach, ru' ile kkitioxb'ej kik'aslemal, chomb'al ib', chak, kkitz'onoj pkiwi konojel i winaq, xaq kkitz'onoj utzil chomal, kkitz'onoj jab', ru'ile kkilb'ej re wach kk'ulmaxik ko'on panoq, ile utz we kki'an chkijujunal xaq we pa tzob'ajil, o jun u'ijlal chi k-an ile.

Are kkituk uwach ulew nab'e kkitz'onoj che i Dios xaq are kchoy jun che'koy-ej i ik', are kkikunaj kib' kkikoj i kunb'al es, chikop xaq i ya.

Rumali i Ajwal xo'ono chi naj xek'as-ik, man xetiki che ch'awik, xuya kanima, chi xketamaj jub'an chik anik xaq xketamaj uwachi Ajwal.

Wach kich'ob' yix
Qatzij iri o qatzij taj.

Rumali chi yin kink'ut kiwach i winaq mayab', lik kinkikotik chi in aj waral che i tinimit k'ub'ul xaq kwaj kink'ut uwach che jun junab',man lik etamam uwach i tinimiti, man i anoj lik qeyoj chi oj jun tinimit mayab', lik kriqtajik xaq tz'ib'tal chupam i k'iyal taq wuj xaq lik etamam kumal i atb'al tzij aj waral xaq aj naj.

Likchixkikotoq chqak'awsaj i nima'iji ru cuetiy ru' son, ru' incienso, ru' cantela, ru' i son ke i jalajuj taq aj xajoj, tioxb'al re che i Tz'aqol b'itol.

Ch-ol ni chomb'al ib chixol chixkikotoq.
Mantiox.
tracking img