Conceptos geografía

CONCEPTOS DA XEOGRAFÍA DA POBOACIÓN
CENSO DE POBOACIÓN: recompilación de datos relativos ao número de individuos que compoñen a
poboación dun país e a súas principais características (idade, sexo,estado civil, nivel de instrución…). Os
censos modernos xeneralizáronse en Europa a partir do século XIX. En España realízanse cada dez anos.
PADRÓN MUNICIPAL: instrumento estatístico que rexistraos veciños do termo municipal e recolle datos
demográficos, económicos e sociais desta poboación. Debe ser permanentemente actualizado.
RÉXIME DEMOGRÁFICO: na evolución do movemento natural dapoboación distínguense diversas etapas
ou réximes demográficos ao longo dos cales a natalidade, a mortalidade e o crecemento natural presentan
características homoxéneas. Tradicionalmente ditas etapasson: réxime demográfico antigo, transición
demográfica e réxime demográfico moderno.
TRANSICIÓN DEMOGRÁFICA: dentro do modelo da evolución demográfica dos países desenvolvidos é a
fase que separa oantigo réxime demográfico do réxime demográfico actual. Caracterízase por un descenso
brusco da mortalidade e un descenso suave da natalidade, creando un forte crecemento natural.
ESPERANZA DE VIDA:relaciona o número de anos vividos por todos os membros dunha poboación co
número de individuos que compoñen esa poboación. A media mundial ao nacer está en torno aos 60 anos,
porén existen grandesdiferenzas, segundo o grao de desenvolvemento do país, ou segundo o sexo, pois a
esperanza de vida é superior para as mulleres que para os homes.
TAXA DE FECUNDIDADE: indicador demográfico que ten enconta o número de nados vivos por cada 1.000
mulleres en idade de procrear (15 a 49 anos).
POBOACIÓN ACTIVA: conxunto de persoas de 16 anos ou máis que subministran man de obra para a
produción debens e servizos, ou que están dispoñibles e fan xestións para incorporarse a esta produción.
Polo tanto, comprende a poboación que traballa a cambio dunha retribución (poboación activa ocupada) e...