la literatura griega,orígenes

As mitoloxías e relixións -entendidas como producións duns determinados contextos económicos e sociais- xogaron un papel decisivo na orixe e formación de relatos.
Tras dunha longa tradiciónoral, canalizadora das narracións, rexístranse logo, por escrito, en momentos concretos en que o poder político é condicionante. Todo o repertorio mítico constitúe así as primeiras literaturas.
Hai uns5000 anos, sempre á beira de grandes ríos, as primeiras civilizacións xa contaban relatos sobre un pasado imaxinario. Deste xeito, nacen os mitos, as cosmogonías e as teogonías, vinculadas árelixión, nos que aparecerán temas repetidos unha e outra vez como o diluvio universal, a figura do creador, o caos inicial, a ultratumba, etc. Son esas civilizacións fluviais (Mesopotamia, Exipto, India,China) as que protagonizan unha avanzada situación cultural, entendible por un conxunto de características da súa infraestrutura material: fertilidade da zona, desenvolvemento demográfico e económico,aparición dos primeiros núcleos urbanos, poder político definido…
Estes factores obxectivos explican, en última instancia, a conformación da literatura. como produto cultural que garda unha clararelación cun contexto sociopolítico concreto, a súa evolución tamén vai ter que ver coa dinámica histórica das áreas respectivas.
En todo caso, as primeiras literaturas constitúen ámbitos privilexiados detransmisión de ideas e visións do mundo e, neste sentido, son documentos imprescindibles para comprender as condicións e contextos onde se producen; á vez, representan a base ou o punto de partidapara o propio desenvolvemento literario. Son estas primeiras mostras onde podemos captar a serie de características definitorias destas literaturas incipientes: o seu carácter oral, a versificación(memorízase/lémbrase mellor así) , pasando polo feito de acto social (grupo reunido escoitando a explicación mítica dun fenómeno) ao que hai que sumar a anonimia pois proceden dun pobo e voltan a el ....