Hola

Oot quih Conteetxyat quih Cöiscaao ac

Jesús Morales

Conteetxyat quij haaho com iti tiij toc cöquiijiha. Oot timoca mos haaho timoca itaao toc cömocaha.
Ziix quij cöiifp cah hant iqui xah itoocta ox xah itai yoque;
— Hihamiigo ¿az iscasiiijimya hizaax cötiiijaha?
Hihamiigo ihpocaao xoque — ox itai yoque.
Ox tpactama conteetxyat quij ox tee yoque:
— Mmmm. He ziixo zo casiijim xahxaii hizcohpyiij — ox tee yoque.
Ox tpactama oot quij ox xah itai yoque:
— ¿Azj iscacatimayaha? — ox tee yoque.
Ox tpactama conteetxyat quij ox itai yoque:
— Cooza hant ipot coii hiza toiima he taax cquecölihi hiz cohpmiij — ox tee yoque.
Ox tpactama oot quij ox tee yoque:
— Hihamiigo ¿zo tooza? Yaza quih impoaax he cmesxö — ox tee yoque.
Ox teema conteetxyat quij ox tee yoque:
— Ihahi. ¿Taaxziixah z isahii queeya? ¿Taax ziix az hant isiip haaya? Taaxo cötquimjöc ox tcoozaha. Haaho quih it hapx caap coox cah pti icx popaquim spacotim ha teque hiz cömiihca — ox tee yoque conteetxyat quij.
Ox tpactama oot quij ox tee yoque:
— Ox popactatax ihpsojoz haahi — ox tee tojoz yoque. Ziix cop aa ihacoxl iti hapx iqui tpanzx yoque.
Hapx iqui tpanzx toii ntitama xajii hantaxlaa cahca pac toccötahcama taax contita toii ntita yoque conteetxyat quij. Oot quij hipi xah quiho cah cöitaasitim yoque oot quij. Cöitaasitim toii ntiya.
 
El coyote y el pinacate [resumen]
Un día un pinacate se encontraba sentado en la vereda.[1] Al verlo, el coyote se lo quiso comer; pero el pinacate, al fin más listo, hizo como que estaba oyendo algo bajo el suelo.[2] El coyote, intrigado, le preguntó qué oía.El pinacate, engañando al coyote, le dijo que los que vivían bajo la tierra decían que iban a matar a todo el que defecara en la vereda. El coyote huyó y el pinacate corrió a un agujero para esconderse.
Así se salvó del coyote.
[Nota 1] El pinacate (Eleodes spp.) es un escarabajo grande, negro, que no vuela y que viaja con la cabeza inclinada hacia abajo y el abdomen elevado. Puede descargar unasubstancia que huele feo cuando lo molestan.
[Nota 2] Los coyotes suelen defecar en medio de un camino.
 

Oot quih Iizax quih Cöisixö ac

Jesús Morales

Ziicalc quih hant quih iti coom taaxah com xica quih hmaa quih mos toc cöcoiiha. Tatxox toc cöcoiiha.
Hax ihmaa cah itixömax toc cöcahcaha iizax quij toc cötiijmax.
Ox tpacta toc cöiihca iti xica quih quiistox tanticat anxö itixötajmatoc contima xo iti cöihiyax hax tahii hax tama cmaax ziic haquix tiihma coneepis xah yopah. Taax pocoota coneepisiil impahiha.
Coneepisiil tiix toc cötiijma cmaax tiix isixö tama toc cötahcama cmaax tiix toc contita imixö. Iizax quij itixöma hax mizjo tama imixö. Tiix ccapiha yax itixö hizeecp taax iti tap toc cöcaapiha.
Ox tpactama cmaax oot cop cötafpma toc cötahcama ziix quiisax zo toc cötiijcmaax oot ticop cmaax tiix isixö ta itahma toc cöcaapiha.
Ox tpactama ziix zo toc cötiij ox oaiha.
— Inscmixöaha. Ihexö inscmaaha. Taax inscmixöaha — ox oaiha.
Ox tpactama oot cop miitom. Taitom ziix czaxö cop ox imii;
— Coneepisiil cop ox imixö. Hax cohpoliipii hax saaha — . Ox mee taax ziix iti ihexö cöiscmaa ha zo haa tmahca xah tamoz ox queeha. Mizj pata isixö ta tamoz ox queeha. Tahac oocömee taax.
Ox tpactama oot tintica iizax quij cötcapma toii tahahatoxma iizax quij imozit ac it hant tahjiit taax iti toom toc comom.
Iizax quij hax toopolo iti tahcax toc cöyoohca. Taax oot iizax quij coccap ti haa yoque.
 
El coyote salta la luna [resumen]
Hubo un tiempo cuando había muchas aves y animales saltando la luna. Mucha gente estaba allí saltando también. Casi al último, le tocóal reyezuelo. [1] Como podía volar, lo hizo bien.
Entonces llegó el coyote, y estaba allí con alguien. Éste le dijo que era su turno para saltar, pero también le dijo:
— Mejor no saltes, no vas a poder; no debías tratar.
Pero el coyote le dijo:
— El reyezuelo saltó bien, sin ningún problema — dijo esto porque creía que era muy fácil.
Entonces el coyote saltó, y la luna se hizo grande de...