Reggio Emilia

REGGIO EMILIA

Haurra da hezkuntza sistemaren muina eta irakasle zein familiaren parte hartzea eskatzen dira.
Proposamen pedagogiko honek dioena da gutako bakoitzak, haur bakoitzak, esatekozerbait daukala eta balio bat daukala. Haur bakoitzak berezitasun batzuk ditu eta horiek dira entzun behar direnak. Entzuketa da beste pertsona batekin elkartzerakoan ematen den lehenengo jarrera.Entzuketa horren ondorioz, eskola laborategi bihurtzen da, ikerketa laborategia. Bertan asanbladak, jolas libreak eta proiektu anitzak dira metodologiaren ardatza. Proiektuak kasualitatez sortzen dira etadenbora gutxi irauten dute, beste batzuetan egun edo hilabete batzuetan zehar ematen dira. Proiektu horiek negoziazioaren bidez ematen dira gelan.
Haurren esperientziak egunerokoa moldatzeko gaitasunadaukate. Eskolak biziak eta sortzaileak dira haurrentzako eta bertan entzun egingo dituzte.
-Reggio Emilia: proiektu filosofiko pedagogikoa
Nola lagundu haurrei egiten dutenari zentzua bilatuz?Haurrak uneoro ari dira galdera horri erantzuna bilatzen, bizitzaren zentzua bilatzen. Eskola ikerketa eta esperimentazio gune gisa, zentzu hori bilatzeko topagunea eskaintzen dion eskola da. Zentzuhorren bilaketan, heldu eta haurrek elkarrekin parte hartzen dute partaidetza balioa garatuz.
Reggio Emilia eskolak identitatearen bilaketarako etengabeko galdeketa eskeintzen du esperientziapedagogiko gisa. Eskolaren barneaz gain, ingurunea ere, zentzuen eta esanahien bilaketarako gunea da.
Nor da, zer da haurra?
Nor da hezten ari garen eta saiakera horretan gu hezten gaituen subjektua? Zeresan nahi du “hezi” hitzak? Zein da heziketa prozesuaren betebeharra?...
Hezteko beharra duen edozein saiatu behar da galdera hauei erantzuten beraien hezitzaile lanari zentzua eta esanahia aurkitzeko.Reggio Emilian haurraren kontzeptua anitza dela kontutan izanda, haurtzaroa existitzen ez den ideiatik abiatzen dira haurrari buruzko imajina egiterakoan.
Haurtzaroa giza eraikuntza da, gizarte...